Santali Writers

• ᱨᱟᱢᱫᱟᱥ ᱴᱩᱰᱩ ᱨᱩᱥᱤᱠᱟ ᱼ ᱨᱟᱢᱫᱟᱥ ᱴᱩᱰᱩ ᱟᱜ ᱡᱟᱱᱟᱢ ᱫᱤᱥᱚᱢᱫᱟ ᱱᱤᱛ ᱡᱷᱟᱲᱠᱷᱚᱸᱰ ᱯᱚᱱᱚᱛ ( ᱟᱡ ᱵᱤᱫᱟᱹᱞ ᱫᱚ ᱵᱤᱦᱟᱨ ᱛᱟᱦᱮᱸ ᱠᱟᱱᱟ) ᱨᱮᱱᱟᱜ ᱯᱩᱨᱩᱵ ᱥᱤᱝᱵᱷᱩᱢ ᱡᱤᱞᱟᱹ ᱨᱮ ᱢᱮᱱᱟᱜ ᱠᱟᱹᱲᱩᱣᱟᱹ ᱠᱟᱴᱟ ᱟᱛᱳ᱾ ᱡᱟᱱᱟᱢ ᱢᱟᱦᱟ ᱫᱚ ᱤᱝᱨᱟᱹᱡᱤ ᱒ ᱚᱠᱴᱳᱵᱚᱨ ᱑᱘᱕᱔ ᱥᱟᱞ, ᱚᱛᱮ ᱢᱟᱦᱟ᱾ ᱟᱯᱟᱛ ᱧᱩᱛᱩᱢ ᱫᱚ ᱥᱤᱛᱟᱹᱨᱟᱢ ᱴᱩᱰᱩ ᱟᱨ ᱮᱸᱜᱟᱛ ᱫᱚᱭ ᱛᱟᱦᱮᱸ ᱠᱟᱱᱟ ᱢᱚᱧᱡᱩ ᱴᱩᱰᱩ᱾ ᱢᱚᱬᱮ ᱵᱚᱭᱦᱟ ᱢᱩᱫᱽᱨᱮ ᱨᱟᱢᱫᱟᱥᱫᱚ ᱡᱚᱛᱚ ᱠᱷᱚᱱ ᱞᱟᱹᱴᱩ ᱤᱡ ᱮ ᱛᱟᱦᱮᱸ ᱠᱟᱱᱟ᱾ ᱨᱟᱢᱫᱟᱥ ᱴᱩᱰᱩ ᱫᱚ ᱙᱗ ᱵᱚᱪᱷᱚᱨ ᱩᱢᱮᱨ ᱨᱮ ᱑᱒ ᱢᱮ, ᱑᱙᱕᱑ ᱥᱟᱞ ᱧ ᱩᱦᱩᱢ ᱢᱟᱦᱟ ᱦᱤᱞᱳᱜ ᱮ ᱵᱚᱸᱜᱟ ᱛᱟᱞᱟᱭᱮᱱᱟ᱾ ᱨᱟᱢᱫᱟᱥ ᱴᱩᱰᱩ ᱟᱜ ᱚᱞᱯᱩᱛᱷᱤ ᱫᱚ ‘ᱠᱷᱮᱨᱣᱟᱞ ᱵᱚᱝᱥᱚ ᱫᱷᱚᱨᱚᱢ ᱯᱩᱛᱷᱤ’ • ᱥᱟᱹᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ ᱺ ᱨᱟᱢᱪᱟᱸᱫᱽ ᱢᱩᱨᱢᱩ ᱫᱚ ᱵᱟᱝᱞᱟ ᱑᱖ ᱵᱟᱹᱭᱥᱟᱹᱠ, ᱑᱘᱐᱔ (ᱤᱝᱨᱟᱹᱡᱤ ᱒᱙ ᱮᱯᱨᱤᱞ, ᱑᱘᱘᱙) ᱦᱤᱞᱚᱜ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱢᱤᱫᱤᱱᱯᱩᱨ ᱡᱤᱞᱟᱹ ᱥᱤᱞᱫᱟᱹ ᱫᱤᱥᱚᱢ, ᱠᱟᱢᱟᱨ ᱵᱟᱸᱫᱤ ᱟᱛᱳ ᱨᱮᱭ ᱡᱟᱱᱟᱢᱞᱮᱱᱟ᱾ ᱟᱯᱟᱛ ᱧᱩᱛᱩᱢ ᱫᱚ ᱢᱳᱦᱚᱱ (ᱴᱷᱩᱲᱩ) ᱟᱨ ᱮᱸᱜᱟᱛ ᱧᱩᱛᱩᱢ ᱫᱚ ᱠᱩᱱᱤ ᱾ ᱨᱟᱢᱪᱟᱸᱫᱽ ᱢᱩᱨᱢᱩ ᱫᱚ ᱟᱸᱜᱷᱟᱲ ᱨᱮᱱᱟᱜ ᱒᱙, ᱑᱕᱖᱑ (ᱤᱝ ᱼ ᱑᱙᱕᱕ ᱥᱟᱞ) ᱦᱤᱞᱳᱜ ᱮ ᱵᱚᱸᱜᱟ ᱛᱟᱞᱟᱭᱮᱱᱟ᱾ ᱱᱩᱭᱟᱜ ᱚᱞ ᱯᱩᱛᱷᱤ ᱠᱚ ᱼ (᱑) ᱚᱞ ᱫᱚᱦᱚ ᱚᱱᱚᱬᱦᱮᱸ (᱒) ᱞᱤᱴᱟᱹ ᱜᱳᱰᱮᱛ (᱓) ᱥᱟᱹᱨᱤ ᱫᱷᱚᱨᱚᱢ ᱥᱮᱨᱮᱧ (᱔) ᱥᱚᱝᱥᱟᱨ ᱯᱷᱮᱸᱫᱽ ( ᱰᱨᱟᱢᱟ) (᱕) ᱤᱥ ᱨᱚᱲ᱾ ᱰᱷᱩᱣᱟᱹ ᱥᱮᱨᱮᱧ ‘ ᱫᱮᱵᱚᱱ ᱛᱤᱸᱜᱩᱱ ᱟᱹᱫᱤᱵᱟᱹᱥᱤ ᱵᱤᱨ’ ᱫᱚ ᱯᱟᱹᱦᱤᱞ ᱩᱛᱟᱹᱨ ᱥᱟᱱᱛᱟᱲᱤ ᱜᱨᱟᱢᱳᱯᱷᱳᱱ ᱨᱮᱠᱳᱨᱰ ᱥᱮᱨᱮᱧ᱾ • ᱜᱩᱨᱩ ᱜᱳᱢᱠᱮ ᱯᱚᱱᱰᱤᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩᱺ ᱜᱩᱨᱩ ᱜᱳᱢᱠᱮ ᱯᱚᱱᱰᱤᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ ᱫᱚ ᱤᱝᱨᱟᱹᱡᱤ ᱑᱙᱐᱕ ᱥᱟᱞ ᱨᱮᱱᱟᱜ ᱕ ᱢᱮ ᱵᱟᱹᱭᱥᱟᱹᱠᱷ ᱠᱩᱱᱟᱹᱢᱤ ᱦᱤᱞᱳᱜ ᱩᱰᱤᱥᱟ ᱯᱚᱱᱚᱛ ᱢᱚᱭᱩᱨᱵᱷᱚᱸᱡᱽ ᱡᱤᱞᱟᱹ ᱨᱟᱭᱨᱚᱝᱯᱩᱨ ᱵᱞᱚᱠ ᱰᱟᱱᱰᱵᱳᱥ ᱟᱛᱳᱨᱮ ᱡᱟᱱᱟᱢ ᱞᱮᱱᱟᱭ᱾ ᱟᱭᱳ ᱧᱩᱛᱩᱢ ᱫᱚ ᱥᱚᱞᱢᱟ (ᱥᱩᱢᱤ) ᱢᱩᱨᱢᱩ ᱟᱨ ᱟᱯᱟᱛ ᱧᱩᱛᱩᱢ ᱫᱚ ᱱᱚᱱᱫᱚᱞᱟᱞ (ᱴᱷᱩᱲᱩ) ᱢᱩᱨᱢᱩ᱾ ᱜᱩᱨᱩ ᱜᱳᱢᱠᱮ ᱯᱚᱱᱰᱤᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ ᱫᱚ ᱥᱟᱱᱛᱟᱲ ᱥᱮ ᱠᱷᱮᱨᱣᱟᱞ ᱦᱚᱯᱚᱱ ᱴᱷᱮᱱ ᱫᱚ ᱪᱟᱸᱫᱳ ᱵᱚᱸᱜᱟ ᱵᱟᱨᱟ ᱵᱟᱨᱤ ᱜᱮ᱾ ᱱᱩᱭ ᱫᱚ ᱢᱤᱫ ᱥᱮᱫ ᱛᱮ ᱥᱤᱨᱡᱚᱱᱤᱭᱟᱹ, ᱢᱤᱫ ᱥᱮᱫ ᱛᱮ ᱫᱟᱨᱥᱚᱱᱤᱠ ᱟᱨ ᱢᱤᱫ ᱥᱮᱫᱛᱮ ᱦᱚᱨ ᱩᱫᱩᱜ ᱜᱩᱨᱩ᱾ ᱯᱚᱱᱰᱤᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ ᱟᱜ ᱚᱞ ᱯᱩᱛᱷᱤ ᱠᱚᱫᱚ ᱼ ᱑) ᱞᱟᱠᱪᱟᱨ ᱥᱮᱨᱮᱧ ᱒) ᱦᱤᱛᱟᱹᱞ ᱓) ᱫᱟᱲᱮ ᱜᱮ ᱫᱷᱚᱱ ᱔) ᱮᱞᱠᱷᱟ ᱕) ᱚᱞ ᱪᱮᱢᱮᱫ ᱖) ᱵᱤᱫᱩ ᱪᱟᱸᱫᱟᱱ ᱗) ᱠᱷᱮᱨᱣᱟᱞ ᱵᱤᱨ ᱘) ᱯᱟᱨᱥᱤ ᱯᱚᱦᱟ (᱙) ᱦᱚᱲ ᱥᱮᱨᱮᱧ (᱑᱐) ᱚᱞ ᱩᱯᱨᱩᱢ ( ᱑᱑) ᱵᱟᱠᱷᱮᱬ (᱑᱒) ᱧᱮᱞᱡᱚᱝ ᱞᱟᱹᱜᱤᱫᱚᱞ (᱑᱓) ᱥᱤᱫᱚ ᱠᱟᱱᱦᱩ (᱔) ᱯᱟᱨᱥᱤ ᱤᱛᱩᱱ᱾ ᱢᱚᱝᱜᱚᱞ ᱪᱚᱱᱫᱨᱚ ᱥᱚᱨᱮᱱᱺ ᱚᱞ ᱯᱩᱛᱷᱤ ᱠᱚ ᱼ (᱑) ᱡᱚᱢᱥᱤᱢᱵᱤᱱᱛᱤ (᱒) ᱪᱷᱤᱛᱷᱟᱹ (ᱵᱟᱦᱟ ᱥᱮᱨᱮᱧ) (᱓) ᱞᱤᱴᱟᱹ ᱼ ᱥᱟᱶᱛᱟᱞ ᱡᱟᱛᱤᱨ ᱫᱷᱚᱨᱚᱢ ᱳ ᱥᱚᱝᱥᱠᱨᱤᱛᱤ (᱔)ᱢᱟᱨᱟᱝ ᱵᱩᱨᱩ ᱢᱚᱦᱟᱛᱢᱟ᱾ ᱥᱟᱨᱚᱫᱟ ᱯᱨᱚᱥᱚᱫᱽ ᱠᱤᱥᱠᱩᱺ ᱡᱟᱱᱟᱢ ᱫᱚ ᱑᱙᱒᱙ ᱥᱟᱞ ᱨᱮ᱾ ᱟᱯᱟᱛ ᱧᱩᱛᱩᱢ ᱪᱚᱨᱚᱱ ᱠᱤᱥᱠᱩ ᱟᱨ ᱮᱸᱜᱟᱛ ᱧᱩᱛᱩᱢ ᱫᱷᱩᱱᱤ ᱠᱤᱥᱠᱩ᱾ ᱟᱛᱮ ᱧᱩᱛᱩᱢ ᱫᱚ ᱛᱟᱞᱜᱚᱰᱟ᱾ ᱚᱞ ᱯᱩᱛᱷᱤᱠᱚ ᱼ (᱑) ᱠᱟᱹᱦᱱᱤ ᱯᱩᱛᱷᱤ ‘ᱥᱚᱞᱚᱢ ᱞᱚᱴᱚᱢ’, (᱒) ‘ᱡᱩᱰᱟᱹᱥᱤ ᱚᱱᱚᱞ ᱢᱟᱞᱟ’᱾ ᱡᱩᱰᱟᱹᱥᱤ ᱚᱱᱚᱞ ᱢᱟᱞᱟ ᱯᱩᱛᱷᱤ ᱨᱮᱫᱚ ᱱᱟᱱᱟ ᱦᱩᱱᱟᱹᱨ ᱥᱟᱛᱟᱢ ᱤᱫᱤᱠᱟᱛᱮ ᱑᱐ ᱜᱚᱴᱟᱝ ᱚᱱᱚᱞᱢᱮᱱᱟᱜ ᱟ᱾ (᱓) “ᱵᱷᱩᱨᱠᱟᱹᱜ ᱤᱯᱤᱞ”, ᱯᱟᱹᱦᱤᱞ ᱩᱛᱟᱹᱨ ᱪᱷᱟᱯᱟ ᱚᱱᱚᱬᱦᱮᱸᱸ ᱯᱩᱛᱷᱤ᱾ ᱱᱚᱣᱟ ᱫᱚ ᱑᱙᱕᱓ ᱥᱟᱞ ᱨᱮ ᱫᱮᱣᱜᱷᱚᱨ ᱨᱮᱭᱟᱜ ᱥᱟᱱᱛᱟᱞ ᱯᱟᱦᱟᱲᱤᱭᱟ ᱥᱮᱵᱟᱢᱚᱱᱰᱚᱞ ᱦᱚᱛᱚᱛᱚ ᱫᱮᱵᱱᱟᱜᱚᱨᱤ ᱦᱚᱨᱚᱯᱛᱮ ᱪᱷᱟᱯᱟ ᱞᱮᱱᱟ᱾ (᱔) ᱫᱚᱥᱟᱨ ᱚᱱᱚᱬᱦᱮᱸ ᱯᱩᱛᱷᱤ ᱫᱚ “ᱠᱩᱦᱩ ᱵᱟᱹᱣ” ᱑᱙᱖᱐ ᱥᱟᱞᱨᱮ ᱪᱷᱟᱯᱟ ᱥᱚᱫᱚᱨ ᱞᱮᱱᱟ᱾ (᱕)ᱛᱮᱥᱟᱨ ᱚᱱᱚᱬᱦᱮᱸ ᱯᱩᱛᱷᱤ ᱫᱚ “ᱜᱟᱢ ᱜᱟᱸᱫᱟᱨ” ᱑᱙᱖᱗ ᱥᱟᱞᱨᱮ ᱪᱷᱟᱯᱟ ᱥᱚᱫᱚᱨ ᱞᱮᱱᱟ᱾ (᱖) “ᱞᱟᱦᱟᱜ ᱦᱚᱨᱨᱮ” ᱚᱱᱚᱬᱦᱮᱸ ᱯᱩᱛᱷᱤ, ᱱᱚᱣᱟ ᱫᱚ ᱑᱙᱘᱕ ᱥᱟᱞᱨᱮ ᱩᱪᱷᱟᱹᱱ ᱞᱮᱱᱟ᱾ ᱠᱷᱮᱨᱚᱣᱟᱞ ᱥᱚᱨᱮᱱ ( ᱠᱟᱞᱤᱯᱟᱫᱚ ᱥᱚᱨᱮᱱ)ᱺ ᱥᱚᱨᱮᱱ ᱜᱳᱢᱠᱮ ᱟᱜ ᱚᱞ ᱯᱩᱛᱷᱤ ᱠᱚ ᱼ ᱑) ᱛᱷᱟᱨᱤ ᱫᱟᱠᱟᱨᱮ ᱢᱮᱫ ᱫᱟᱜ ᱒) ᱠᱷᱮᱨᱣᱟᱞ ᱟᱲᱟᱝ ᱓) ᱪᱮᱫᱨᱮ ᱪᱤᱠᱟᱹᱭᱮᱱᱟ ᱔) ᱠᱷᱮᱨᱣᱟᱞ ᱠᱚ ᱫᱤᱥᱟᱹ ᱠᱟᱛᱮ (᱕) ᱥᱮᱨᱮᱧ ᱟᱠᱷᱲᱟᱨᱮ ᱠᱷᱮᱨᱣᱟᱞ᱾ ᱡᱚᱫᱩᱢᱚᱬᱤ ᱵᱮᱥᱨᱟᱺ ᱵᱮᱥᱨᱟ ᱜᱳᱢᱠᱮ ᱚᱞᱯᱩᱛᱷᱤ ᱠᱚ ᱼ ᱵᱷᱟᱵᱽᱱᱟ ᱨᱟᱢ ᱪᱚᱸᱫᱽᱨᱚ ᱢᱩᱨᱢᱩᱺ ᱥᱟᱶᱦᱮᱫ ᱫᱚᱨᱚᱫᱤᱭᱟᱹ ᱢᱩᱨᱢᱩ ᱜᱚᱢᱠᱮ ᱫᱚ ᱑᱙᱔᱙ ᱥᱟᱞᱨᱮ ᱦᱩᱜᱽᱞᱤ ᱡᱤᱞᱟᱹ ᱨᱮᱱᱟᱜ ᱵᱮᱞᱜᱟᱹᱲᱭᱟᱹ ᱟᱛᱳᱨᱮ ᱡᱟᱱᱟᱢ ᱞᱮᱱᱟᱭ᱾ ᱒᱐᱐᱖ ᱥᱟᱞᱨᱮ “ᱜᱩᱨᱩ ᱜᱚᱢᱠᱮ ᱯᱚᱸᱰᱮᱛ ᱨᱚᱜᱷᱩᱱᱟᱛᱷ ᱢᱩᱨᱢᱨᱩ” ᱯᱩᱛᱷᱤ ᱞᱟᱹᱜᱤᱫ ᱥᱟᱦᱤᱛᱭᱚ ᱟᱠᱟᱫᱮᱢᱤ ᱥᱤᱨᱳᱯᱟᱭ ᱟᱢᱮᱴ ᱟᱠᱟᱫᱟ᱾ ᱑᱙᱗᱙ ᱥᱟᱞ ᱠᱷᱚᱱ “ᱪᱤᱜᱟᱹᱞ” ᱯᱟᱛᱷᱟᱢ ᱨᱮᱱᱤᱡ ᱠᱟᱹᱢᱭᱟᱹ ᱞᱮᱠᱟᱛᱮ ᱟᱨ ᱑᱙᱙᱓ ᱠᱷᱚᱱ ᱑᱙᱙᱕ ᱥᱟᱞ ᱦᱟᱵᱤᱡ ᱥᱟᱼ ᱥᱟᱯᱲᱟᱣᱤᱡ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ᱾ ᱟᱫᱤᱛᱭᱚ ᱢᱟᱱᱰᱤᱺ ᱵᱟᱫᱚᱞ ᱦᱮᱢᱵᱽᱨᱚᱢᱺ ᱡᱟᱱᱟᱢ ᱟᱛᱳ ᱫᱚ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱱᱟᱜ ᱵᱚᱨᱫᱷᱚᱢᱟᱱ ᱡᱤᱞᱟᱹ ᱠᱟᱭᱛᱤ ᱟᱛᱳ᱾ ᱒᱐᱐᱘ ᱥᱟᱞᱨᱮ “ᱢᱟᱱᱢᱤ (ᱠᱟᱹᱦᱱᱤ)” ᱯᱩᱛᱷᱤ ᱠᱷᱟᱹᱛᱤᱨ ᱥᱟᱦᱤᱛᱭᱚ ᱟᱠᱟᱫᱮᱢᱤ ᱥᱤᱨᱳᱯᱟᱭ ᱧᱟᱢ ᱟᱠᱟᱫᱟ᱾ ᱜᱚᱢᱠᱮᱭᱟᱜ ᱮᱴᱟᱜ ᱚᱞᱠᱚᱼ ᱒᱒ ᱜᱚᱴᱟᱝ ᱠᱟᱹᱴᱤᱡ ᱜᱟᱭᱟᱱ, ᱵᱟᱨᱭᱟ ᱜᱟᱢᱟᱢ ᱮᱢᱟᱱ᱾ ᱥᱟᱨᱤᱫᱷᱚᱨᱚᱢ ᱦᱟᱸᱥᱫᱟᱺ ᱰᱨᱹ ᱫᱚᱢᱚᱭᱚᱱᱛᱤ ᱵᱮᱥᱨᱟᱺ ᱡᱟᱱᱟᱢ ᱑᱙᱖᱒ ᱥᱟᱞᱨᱮ ᱩᱰᱤᱟᱥ ᱯᱚᱱᱚᱛ,ᱢᱚᱭᱩᱨᱵᱷᱚᱸᱡᱽ ᱡᱮᱞᱟ, ᱵᱤᱥᱳᱭ ᱛᱷᱟᱱᱟ ᱵᱟᱵᱚᱡᱚᱲᱟ ᱟᱛᱳ ᱨᱮ᱾ ᱥᱟᱱᱛᱟᱲᱤ ᱛᱮ ᱜᱮᱞᱢᱤᱫ ᱟᱨ ᱳᱰᱤᱭᱟᱹᱛᱮ ᱢᱚᱬᱮ ᱜᱚᱴᱟᱝ ᱯᱚᱛᱚᱵ ᱯᱟᱨᱥᱟᱞ ᱟᱠᱟᱱ ᱛᱟᱭᱟ᱾ ᱥᱟᱱᱛᱟᱲᱤ ᱥᱟᱦᱤᱛᱭᱚ ᱟᱠᱟᱫᱮᱢᱤ ᱥᱟᱶᱛᱮ ᱟᱭᱢᱟ ᱥᱤᱨᱯᱟᱹᱭ ᱟᱢᱮᱴ ᱟᱠᱟᱫᱟ᱾ ᱵᱟᱵᱩᱞᱟᱞ ᱢᱩᱨᱢᱩᱺ ᱜᱚᱝᱜᱟᱫᱷᱚᱨ ᱦᱟᱸᱥᱫᱟᱜᱺ ᱡᱟᱱᱟᱢ ᱟᱛᱳ ᱫᱚ ᱳᱰᱤᱥᱟ ᱯᱚᱱᱚᱛ, ᱠᱮᱶᱡᱷᱚᱨ ᱡᱮᱞᱟ, ᱡᱚᱱᱟᱨᱫᱚᱱᱯᱩᱨ᱾ “ ᱵᱟᱧᱪᱟᱣ ᱟᱠᱟᱱ ᱜᱚᱡ ᱦᱚᱲ” ᱯᱚᱛᱚᱵ ᱞᱟᱹᱜᱤᱫ ᱥᱟᱱᱛᱟᱞᱤ ᱥᱟᱦᱤᱛᱭᱚ