Sadhu Ramchand Murmu

ᱥᱟᱹᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ ᱺ ᱨᱟᱢᱪᱟᱸᱫᱽ 

ᱢᱩᱨᱢᱩ ᱫᱚ ᱵᱟᱝᱞᱟ ᱑᱖ ᱵᱟᱹᱭᱥᱟᱹᱠ, ᱑᱘᱐᱔ (ᱤᱝᱨᱟᱹᱡᱤ ᱒᱙ ᱮᱯᱨᱤᱞ, ᱑᱘᱘᱙) ᱦᱤᱞᱚᱜ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱢᱤᱫᱤᱱᱯᱩᱨ ᱡᱤᱞᱟᱹ ᱥᱤᱞᱫᱟᱹ ᱫᱤᱥᱚᱢ, ᱠᱟᱢᱟᱨ ᱵᱟᱸᱫᱤ ᱟᱛᱳ ᱨᱮᱭ 

ᱡᱟᱱᱟᱢᱞᱮᱱᱟ᱾ ᱟᱯᱟᱛ ᱧᱩᱛᱩᱢ ᱫᱚ ᱢᱳᱦᱚᱱ (ᱴᱷᱩᱲᱩ) ᱟᱨ ᱮᱸᱜᱟᱛ 

ᱧᱩᱛᱩᱢ ᱫᱚ ᱠᱩᱱᱤ ᱾ ᱨᱟᱢᱪᱟᱸᱫᱽ ᱢᱩᱨᱢᱩ ᱫᱚ ᱟᱸᱜᱷᱟᱲ ᱨᱮᱱᱟᱜ ᱒᱙, ᱑᱓᱖᱑ (ᱤᱝ ᱼ ᱑᱙᱕᱕ ᱥᱟᱞ) ᱦᱤᱞᱳᱜ ᱮ ᱵᱚᱸᱜᱟ ᱛᱟᱞᱟᱭᱮᱱᱟ᱾ ᱱᱩᱭᱟᱜ ᱚᱞ ᱯᱩᱛᱷᱤ ᱠᱚ ᱼ (᱑) ᱚᱞ ᱫᱚᱦᱚ ᱚᱱᱚᱬᱦᱮᱸ (᱒) 

ᱞᱤᱴᱟᱹ ᱜᱳᱰᱮᱛ (᱓) ᱥᱟᱹᱨᱤ ᱫᱷᱚᱨᱚᱢ ᱥᱮᱨᱮᱧ (᱔) ᱥᱚᱝᱥᱟᱨ ᱯᱷᱮᱸᱫᱽ ( ᱰᱨᱟᱢᱟ) (᱕) 

ᱤᱥ ᱨᱚᱲ᱾ ᱰᱷᱩᱣᱟᱹ ᱥᱮᱨᱮᱧ ‘ ᱫᱮᱵᱚᱱ ᱛᱤᱸᱜᱩᱱ ᱟᱹᱫᱤᱵᱟᱹᱥᱤ ᱵᱤᱨ’ ᱫᱚ ᱯᱟᱹᱦᱤᱞ ᱩᱛᱟᱹᱨ ᱥᱟᱱᱛᱟᱲᱤ ᱜᱨᱟᱢᱳᱯᱷᱳᱱ ᱨᱮᱠᱳᱨᱰ ᱥᱮᱨᱮᱧ᱾

Ramdas Tudu Rusika

ᱨᱟᱢᱫᱟᱥ ᱴᱩᱰᱩ ᱨᱩᱥᱤᱠᱟ ᱼ ᱨᱟᱢᱫᱟᱥ ᱴᱩᱰᱩ ᱟᱜ ᱡᱟᱱᱟᱢ ᱫᱤᱥᱚᱢᱫᱟ ᱱᱤᱛ ᱡᱷᱟᱲᱠᱷᱚᱸᱰ ᱯᱚᱱᱚᱛ ( ᱟᱡ ᱵᱤᱫᱟᱹᱞ ᱫᱚ ᱵᱤᱦᱟᱨ ᱛᱟᱦᱮᱸ ᱠᱟᱱᱟ) ᱨᱮᱱᱟᱜ ᱯᱩᱨᱩᱵ ᱥᱤᱝᱵᱷᱩᱢ 
ᱡᱤᱞᱟᱹ ᱨᱮ ᱢᱮᱱᱟᱜ ᱠᱟᱹᱲᱩᱣᱟᱹ ᱠᱟᱴᱟ ᱟᱛᱳ᱾ ᱡᱟᱱᱟᱢ 
ᱢᱟᱦᱟ ᱫᱚ ᱤᱝᱨᱟᱹᱡᱤ ᱒ ᱚᱠᱴᱳᱵᱚᱨ ᱑᱘᱕᱔ ᱥᱟᱞ, ᱚᱛᱮ ᱢᱟᱦᱟ᱾ ᱟᱯᱟᱛ ᱧᱩᱛᱩᱢ ᱫᱚ ᱥᱤᱛᱟᱹᱨᱟᱢ ᱴᱩᱰᱩ ᱟᱨ ᱮᱸᱜᱟᱛ ᱫᱚᱭ ᱛᱟᱦᱮᱸ ᱠᱟᱱᱟ ᱢᱚᱧᱡᱩ ᱴᱩᱰᱩ᱾ ᱢᱚᱬᱮ ᱵᱚᱭᱦᱟ ᱢᱩᱫᱽᱨᱮ ᱨᱟᱢᱫᱟᱥᱫᱚ ᱡᱚᱛᱚ ᱠᱷᱚᱱ ᱞᱟᱹᱴᱩ ᱤᱡ ᱮ ᱛᱟᱦᱮᱸ ᱠᱟᱱᱟ᱾ ᱨᱟᱢᱫᱟᱥ ᱴᱩᱰᱩ ᱫᱚ ᱙᱗ ᱵᱚᱪᱷᱚᱨ ᱩᱢᱮᱨ ᱨᱮ ᱑᱒ ᱢᱮ, ᱑᱙᱕᱑ 
ᱥᱟᱞ ᱧ ᱩᱦᱩᱢ ᱢᱟᱦᱟ ᱦᱤᱞᱳᱜ ᱮ ᱵᱚᱸᱜᱟ ᱛᱟᱞᱟᱭᱮᱱᱟ᱾

Birsa Munda

ᱵᱤᱨᱥᱟ ᱢᱩᱱᱰᱟ

Sidu-Kanhu

ᱪᱩᱱᱩ ᱢᱩᱨᱢᱩ ᱨᱮᱱ ᱢᱟᱨᱟᱝ ᱠᱚᱲᱟ ᱠᱟᱱᱟᱭ ᱥᱤᱫᱚ ᱢᱩᱨᱢᱩ ᱫᱚ᱾ ᱡᱟᱱᱟᱢ ᱟᱛᱳ ᱫᱚ ᱵᱟᱰᱷᱮᱛ ᱯᱷᱮᱰ ᱨᱮ ᱢᱮᱱᱟᱜ ᱵᱷᱚᱜᱽᱱᱟᱰᱤ᱾ ᱥᱤᱫᱚ ᱫᱚ ᱟᱢᱫᱟᱡᱽ ᱑᱘᱒᱕ ᱥᱟᱞ ᱨᱮᱭᱮ ᱡᱟᱱᱟᱢ ᱞᱮᱱᱟ ᱟᱨ ᱦᱩᱞ ᱚᱠᱛᱮ ᱩᱱᱤᱭᱟᱜ ᱩᱢᱮᱹᱨ ᱫᱚ ᱓᱐ ᱵᱚᱪᱷᱚᱨ ᱞᱮᱠᱟ ᱛᱟᱦᱮᱸ ᱠᱟᱱ ᱛᱟᱭᱟ᱾ ᱡᱩᱣᱟᱹᱱ ᱠᱚᱲᱟ ᱠᱟᱱᱟᱭ᱾ ᱧᱮᱞᱚᱜ ᱛᱮ ᱰᱟᱴ ᱢᱟᱴ , - ᱠᱷᱟᱨᱥᱟᱞᱟ ᱟᱨᱮ ᱥᱚᱲᱟ ᱜᱮᱭᱟ᱾ ᱦᱩᱰᱤᱧ ᱦᱟᱯᱲᱟᱜ ᱡᱚᱛᱚᱠᱚ ᱛᱩᱞᱩᱡ ᱟᱹᱰᱤ ᱦᱟᱹᱣ ᱵᱷᱟᱹᱣ ᱫᱩᱞᱟᱹᱲ ᱵᱮᱵᱚᱦᱟᱨ ᱛᱟᱦᱮᱸ ᱠᱟᱱ ᱛᱟᱭᱟ᱾ ᱟᱡ ᱵᱚᱭᱦᱟ ᱠᱟᱹᱱᱦᱩ ᱛᱟᱹᱠᱤᱱ ᱫᱚ ᱟᱹᱠᱤᱱ ᱧᱮᱧᱮᱞ ᱠᱚ ᱦᱤᱡᱩᱜ ᱠᱟᱱ ᱡᱚᱛᱚ ᱜᱮᱠᱤᱱ ᱥᱟᱞᱦᱟᱣ ᱟᱠᱚ ᱠᱟᱱ ᱛᱟᱦᱮᱸ ᱠᱟᱱᱟ ᱠᱷᱚᱱᱰᱟ ᱵᱷᱟᱱᱰᱟ ᱠᱚ ᱥᱟᱯᱲᱟᱣ ᱡᱚᱝ ᱟᱨ ᱦᱩᱞᱩᱧ ᱠᱚ ᱧᱮᱞ ᱦᱚᱲ᱾ ᱞᱟᱹᱭ ᱟᱠᱚ ᱠᱟᱱ ᱛᱟᱦᱮᱸ ᱠᱟᱱᱟᱠᱤᱱ ᱵᱟᱝᱢᱟ ᱪᱮᱫ ᱞᱮᱠᱟ ᱡᱟᱦᱮᱨ ᱮᱨᱟ ᱫᱚ ᱧᱤᱫᱟᱹᱭ ᱦᱚᱦᱚ ᱵᱮᱨᱮᱫ ᱠᱮᱫ ᱠᱤᱱᱟ ᱟᱨ ᱧᱩᱛᱩᱢ ᱧᱩᱢ ᱠᱟᱛᱮᱭ ᱦᱚᱦᱚᱣᱟᱫ ᱠᱤᱱᱟ ᱟᱨᱮ ᱢᱮᱛᱟᱫ ᱠᱤᱱᱟ - ᱤᱧ ᱫᱚᱧ ᱡᱟᱦᱮᱨ ᱮᱨᱟ ᱠᱟᱱᱟ᱾ ᱦᱚᱲ ᱦᱚᱯᱚᱱ ᱨᱮᱱ ᱛᱟᱹᱛᱟᱹᱱ ᱠᱷᱤᱭᱤᱡ ᱠᱟᱹᱱᱟᱹᱧ᱾ ᱟᱹᱰᱤ ᱵᱟᱹᱲᱤᱡ ᱦᱟᱨᱠᱮᱹᱛ ᱥᱟᱥᱮᱹᱛ ᱟᱯᱮ ᱥᱟᱢᱟᱝ ᱨᱮ ᱢᱮᱱᱟᱜ - ᱟ᱾ ᱟᱵᱮᱱ ᱫᱚ ᱩᱱᱠᱩ ᱨᱮᱱ ᱵᱚᱦᱚᱜ ᱠᱤᱱ ᱤᱧ ᱫᱚᱦᱚᱠᱮᱫ ᱵᱤᱱᱟ᱾ ᱟᱨ ᱚᱱᱟ ᱨᱮᱭᱟᱜ ᱪᱤᱱᱦᱟᱹᱧ ᱮᱢᱟᱫ ᱵᱤᱱᱟ ᱟᱨ ᱚᱱᱟ ᱵᱤᱱ ᱧᱟᱢ ᱞᱮᱠᱷᱟᱱ ᱵᱩᱡᱷᱟᱹᱣ ᱵᱤᱱ ᱞᱟᱹᱲᱟᱭᱚᱜ ᱚᱠᱛᱮ ᱫᱚ ᱥᱮᱴᱮᱨ ᱟᱠᱟᱱ ᱛᱟᱹᱵᱤᱱᱟ᱾ ᱚᱱᱠᱟ ᱞᱮᱠᱟ ᱡᱟᱦᱮᱨ ᱮᱨᱟ ᱫᱚ ᱮᱭᱟᱭ ᱫᱷᱟᱣ , ᱮᱭᱟᱜ ᱨᱩᱯ ᱛᱮ ᱩᱱᱠᱤᱱ ᱴᱷᱮᱱ ᱮ ᱧᱮᱞ ᱚᱪᱚᱞᱮᱱᱟ᱾ ᱯᱟᱹᱦᱤᱞ ᱫᱷᱟᱣ ᱫᱚ ᱥᱮᱨᱢᱟ ᱠᱷᱚᱱ ᱟᱬᱜᱩᱱ ᱠᱟᱱ ᱨᱤᱢᱤᱞ ᱢᱩᱴᱷᱟᱹᱱ ᱛᱮ , ᱫᱚᱥᱟᱨ ᱫᱷᱟᱣ ᱫᱚ ᱴᱩᱴᱩᱨᱮ ᱟᱠᱟᱱ ᱟᱨ ᱢᱮᱫ ᱦᱟ ᱫᱚ — ᱠᱩᱦᱲᱟᱹ ᱛᱮ ᱴᱚᱯᱟᱨ ᱟᱠᱟᱱ ᱞᱮᱠᱟᱛᱮ , ᱯᱳᱱᱟᱜ ᱫᱷᱟᱣ ᱫᱚ ᱡᱷᱚᱞ ᱡᱷᱚᱞ ᱥᱤᱛᱩᱝ ᱨᱮ ᱢᱤᱫ ᱴᱟᱝ ᱩᱢᱩᱞ ᱞᱮᱠᱟᱛᱮ , ᱢᱚᱬᱮᱭᱟᱜ ᱫᱷᱟᱣ ᱫᱚ ᱚᱛ ᱠᱷᱚᱱ ᱯᱩᱴᱟᱹᱜ ᱛᱳᱫ ᱮᱱ ᱵᱩᱨᱩ ᱞᱮᱠᱟ , ᱛᱩᱨᱩᱭ ᱟᱜ ᱫᱷᱟᱣ ᱫᱚ ᱵᱤᱞᱟᱹᱱ ᱴᱟ:ᱰᱤ ᱨᱮ ᱚᱢᱚᱱ ᱨᱟᱠᱟᱵ ᱜᱚᱫ ᱮᱱ ᱥᱟᱨᱡᱚᱢ ᱫᱟᱨᱮ ᱞᱮᱠᱟ ᱟᱨ ᱢᱩᱪᱟᱹᱫ ᱫᱷᱟᱣ ᱨᱮ ᱫᱚ ᱥᱟᱱᱛᱟᱲ ᱞᱮᱠᱟ ᱠᱟᱪᱟ ᱛᱮᱭ ᱰᱮᱸᱜᱟᱣᱟᱠᱟᱱ ᱢᱤᱫ ᱴᱮᱱ ᱯᱳᱸᱰ ᱦᱚᱲ ᱞᱮᱠᱟ᱾ ᱱᱚᱝᱠᱟ ᱠᱟᱛᱷᱟ ᱠᱤᱱ ᱜᱟᱞᱢᱟᱨᱟᱣ ᱠᱟᱱ ᱛᱟᱦᱮᱸ ᱠᱟᱱ ᱨᱮᱜᱮ ᱯᱮ ᱦᱚᱲ ᱫᱚ ᱦᱮᱡ ᱠᱟᱛᱮ ᱠᱚ ᱢᱮᱱ ᱠᱮᱫᱟ ᱵᱟᱝ ᱢᱟ ᱥᱟᱢ ᱯᱟᱨᱜᱟᱱᱟᱭ ᱠᱳᱞ ᱟᱠᱟᱫ ᱠᱚᱣᱟ᱾ ᱠᱷᱚᱵᱚᱨ ᱮᱢᱟᱠᱚ ᱞᱟᱹᱜᱤᱫ ᱮᱱᱛᱮ ᱫᱚᱨᱚᱜᱟ ᱫᱚ ᱦᱟᱲᱢᱟ , ᱪᱟᱹᱢᱯᱟᱹᱭ , ᱞᱚᱠᱷᱚᱱ ᱟᱨ ᱜᱟᱹᱨᱵᱷᱩ ᱛᱟᱠᱚ ᱛᱚᱞ ᱠᱟᱛᱮ ᱵᱷᱟᱜᱚᱞ ᱯᱩᱨ ᱛᱮᱭᱮ ᱤᱫᱤᱭᱮᱫ ᱠᱚᱣᱟ ᱟᱨ ᱛᱮᱦᱮᱧ ᱧᱤᱸᱫᱟ ᱫᱚ ᱵᱟᱰᱷᱮᱛ ᱨᱮᱠᱚ ᱰᱮᱨᱟᱜ ᱠᱟᱱᱟ᱾ ᱠᱷᱚᱵᱚᱨ ᱧᱟᱢ ᱛᱚᱨᱟ ᱥᱤᱫᱚ ᱠᱟᱹᱱᱦᱩ ᱛᱟᱹᱠᱤᱱ ᱫᱚ , ᱟᱛᱳ – ᱟᱛᱳ ᱠᱷᱚᱵᱚᱨ ᱠᱤᱱ ᱠᱳᱞᱠᱮᱫᱟ , ᱡᱮᱢᱚᱱ ᱦᱚᱲ ᱫᱚ ᱠᱟᱹᱯᱤ ᱛᱟᱨᱣᱟᱲᱮ , ᱟᱜ – ᱥᱟᱨ ᱢᱩᱛᱟᱹᱠ ᱟᱱᱛᱮ ᱛᱟᱞᱟ ᱧᱤᱫᱟᱹ ᱵᱷᱤᱛᱨᱤ ᱛᱮ ᱯᱟᱸᱪᱠᱟᱹᱴᱷᱤᱭᱟᱹ ᱨᱮᱠᱚ ᱡᱟᱨᱣᱟᱜ , ᱮᱱᱛᱮ ᱚᱱᱟ ᱦᱚᱨ ᱛᱮᱜᱮ ᱫᱚᱨᱚᱜᱟ ᱫᱚ ᱱᱟᱦᱟᱜ ᱠᱟᱹᱭᱫᱤᱭᱮ ᱤᱫᱤ ᱠᱚᱣᱟ᱾ ᱮᱱᱦᱤᱞᱳᱜ ᱥᱤᱫᱚ ᱫᱚ ᱠᱟᱹᱱᱦᱩ ᱟᱨ ᱟᱡ ᱥᱚᱸᱜᱮᱛᱮ ᱛᱷᱚᱲᱟ ᱦᱚᱲ ᱱᱤᱭᱟᱹᱛᱮ ᱞᱟᱦᱟ ᱨᱮᱜᱮ ᱯᱟᱸᱪᱠᱟᱹᱴᱷᱤᱭᱟ ᱛᱮᱭᱮ ᱪᱟᱞᱟᱣ ᱞᱟᱦᱟᱭᱮᱱᱟ᱾ ᱤᱱᱟᱹ ᱠᱟᱛᱮ ᱫᱚᱨᱚᱜᱟ ᱟᱨ ᱠᱮᱱᱟᱨᱟᱢ ᱫᱚ ᱯᱤᱭᱟᱹᱝ ᱯᱤᱭᱟᱹᱝ ᱡᱚᱠᱷᱮᱡ ᱠᱟᱹᱭᱫᱤ ᱟᱱᱛᱮ ᱚᱸᱰᱮ ᱠᱤᱱ ᱥᱮᱴᱮᱨᱮᱱ ᱠᱷᱟᱱ ᱯᱷᱟᱹᱫᱽ ᱫᱚᱠᱚ ᱮᱥᱮᱫ ᱠᱮᱫ ᱠᱤᱱᱟ᱾ ᱫᱚᱨᱚᱜᱟ ᱫᱚ ᱫᱷᱚᱢᱠᱟᱣ ᱟᱲᱟᱝ ᱛᱮ ᱵᱷᱟᱹᱭᱟᱹᱫᱤᱠᱤᱱᱮ ᱠᱩᱞᱤᱠᱮᱫ ᱠᱤᱱᱟ ᱚᱠᱚᱭ ᱦᱩᱞᱩᱢᱛᱮ ᱦᱚᱲᱵᱤᱱ ᱡᱟᱣᱨᱟ ᱟᱠᱟᱫ ᱠᱚᱣᱟ ᱟᱨ ᱟᱹᱵᱤᱱ ᱫᱚᱠᱤᱱ ᱚᱠᱚᱭ ᱠᱟᱱᱟ᱾ ᱥᱤᱫᱚ ᱫᱚ ᱩᱱᱨᱮᱭ ᱡᱚᱵᱟᱵᱽ ᱞᱮᱫᱟ - ᱤᱧ ᱫᱚᱧ ᱥᱤᱫᱚ ᱠᱟᱱᱟ ᱟᱨ ᱱᱚᱣᱟ ᱫᱚ ᱤᱧᱟᱜ ᱫᱤᱥᱚᱢ ᱠᱟᱱᱟ᱾ ᱤᱧᱟᱜ ᱵᱮᱜᱚᱨ ᱦᱩᱠᱩᱢᱛᱮ ᱤᱧᱟᱜ ᱫᱤᱥᱚᱢ ᱠᱷᱚᱱ ᱢᱤᱫ ᱴᱮᱱ ᱦᱚᱸ ᱦᱚᱲ ᱵᱟᱢ ᱥᱟᱵ ᱤᱫᱤ ᱫᱟᱲᱮ ᱟᱠᱚᱣᱟ᱾ ᱱᱚᱝᱠᱟ ᱨᱮᱴᱮ ᱯᱮᱴᱮᱜ ᱛᱩᱞᱩᱡ ᱜᱮ ᱮᱫᱽᱨᱮ ᱟᱠᱟᱱ ᱦᱚᱲ ᱫᱚ ᱠᱟᱹᱭᱫᱤ ᱠᱚ ᱨᱟᱲᱟ ᱠᱮᱫ ᱠᱚᱣᱟ ᱟᱨ ᱠᱮᱱᱟᱨᱟᱢ ᱟᱨ ᱫᱚᱨᱚᱜᱟ ᱫᱚ ᱥᱟᱫᱚᱢ ᱠᱷᱚᱱ ᱠᱚ ᱚᱨ ᱯᱷᱮᱰ ᱠᱮᱫ ᱠᱤᱱᱟ ᱟᱨ ᱠᱚ ᱜᱚᱡ ᱠᱮᱫ ᱠᱤᱱᱟ᱾ ᱤᱱᱟᱹ ᱛᱟᱭᱚᱢ ᱥᱤᱫᱚ ᱫᱚ ᱦᱩᱞ ᱮᱦᱚᱵ ᱮᱱᱟ ᱢᱮᱱ ᱛᱮᱭᱮ ᱞᱟᱹᱭ ᱥᱟᱰᱮ ᱠᱮᱫᱟ᱾ ᱤᱱᱟᱹ ᱛᱟᱭᱚᱢ ᱵᱷᱟᱹᱭᱟᱹᱫᱤ ᱠᱤᱱ ᱫᱚ ᱫᱩᱯᱩᱲᱩᱵ ᱠᱤᱱ ᱦᱚᱦᱚ ᱠᱮᱫᱟ ᱟᱨ ᱡᱚᱛᱚ ᱴᱚᱴᱷᱟ ᱠᱷᱚᱱ ᱦᱚᱲ ᱫᱚ ᱟᱯᱟᱱ ᱟᱹᱯᱤᱱ ᱯᱷᱟᱹᱫᱽ ᱟᱱᱛᱮ ᱩᱱᱠᱤᱱ ᱴᱷᱮᱱ ᱦᱤᱡᱩᱜ ᱠᱚ ᱮᱦᱚᱵ ᱮᱱᱟ᱾ ᱥᱤᱫᱚ – ᱠᱟᱹᱱᱦᱩ ᱫᱚ ᱡᱚᱛᱚ ᱠᱤᱱ ᱧᱮᱞᱮᱫ ᱠᱚᱣᱟ ᱟᱨ ᱠᱟᱹᱢᱤ ᱠᱤᱱ ᱵᱷᱟᱨ ᱟᱠᱚ ᱠᱟᱱᱟ , ᱥᱤᱫᱚ ᱫᱚ ᱟᱹᱰᱤ ᱠᱚᱢ ᱠᱟᱛᱷᱟᱭ ᱨᱚᱲᱮᱫ ᱛᱟᱦᱮᱸ ᱠᱟᱱᱟ᱾ ᱠᱟᱹᱱᱦᱩ ᱟᱜ ᱠᱟᱛᱷᱟ ᱜᱮᱭᱮ ᱥᱟᱹᱦᱤᱟᱜ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱵᱟᱱᱟᱨ ᱵᱚᱭᱦᱟ ᱜᱮ ᱨᱟᱡᱽ ᱞᱮᱠᱟᱠᱤᱱ ᱛᱟᱦᱮᱸᱱ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱢᱚᱸᱡᱽ ᱠᱤᱪᱨᱤᱡ ᱠᱤᱱ ᱦᱚᱨᱚᱜ ᱱᱟᱫᱮᱭᱮᱫ ᱛᱟᱦᱮᱸ ᱠᱟᱱᱟ᱾ ᱠᱟᱛᱷᱟᱠᱚ , ᱵᱮᱵᱷᱟᱨ ᱠᱚ ᱦᱚᱸ ᱨᱟᱡᱽ ᱞᱮᱠᱟᱜᱮ ᱛᱟᱦᱮᱸ ᱠᱟᱱ ᱛᱟᱹᱠᱤᱱᱟ᱾ ᱩᱱᱠᱤᱱ ᱫᱚ ᱢᱤᱢᱤᱫ ᱴᱚᱴᱷᱟᱛᱮ ᱞᱟᱹᱲᱦᱟᱹᱭ ᱯᱷᱟᱹᱫᱽ ᱠᱤᱱ ᱠᱳᱞᱮᱫ ᱠᱚ ᱛᱟᱦᱮᱸ ᱠᱟᱱᱟ᱾ ᱪᱟᱞᱟᱜ ᱡᱚᱠᱷᱮᱱ ᱡᱟᱦᱟᱸ ᱟᱛᱳ ᱨᱮᱜᱮ ᱠᱤᱱ ᱪᱷᱟᱹᱣᱱᱤᱜ ᱚᱰᱮᱸ ᱫᱚ ᱠᱚᱲᱟ – ᱠᱩᱲᱤ ᱠᱤᱱ ᱮᱱᱮᱡ ᱟᱪᱚ ᱠᱚᱣᱟ᱾ ᱥᱤᱫᱚ ᱠᱟᱹᱱᱦᱩ ᱠᱤᱱ ᱢᱮᱱ ᱞᱮᱫᱟ – ᱢᱤᱫ ᱪᱷᱟᱹᱛᱨᱤ ᱛᱤᱥ ᱵᱚᱱ ᱦᱳᱭᱳᱜ – ᱟ ᱩᱱ ᱟᱹᱱᱤᱡ ᱜᱮ ᱫᱤᱥᱚᱢ ᱫᱚ ᱥᱩᱞᱩᱠᱚᱜ ᱟ᱾ ᱠᱮᱱᱟᱨᱟᱢ ᱟᱨ ᱫᱚᱨᱚᱜᱟ ᱠᱚ ᱜᱚᱡ ᱠᱮᱫ ᱠᱤᱱ ᱛᱟᱭᱚᱢ ᱵᱟᱫᱷᱮᱛ ᱛᱟᱯᱚᱞ ᱨᱮᱱ ᱠᱚ ᱢᱟᱦᱟᱡᱚᱱ ᱠᱚ ᱫᱚ ᱢᱚᱡᱽ ᱫᱟᱢᱟᱱ ᱥᱟᱸᱫᱮᱥ ᱟᱛᱮ ᱥᱤᱫᱩ ᱠᱟᱹᱱᱦᱩ ᱛᱟᱹᱠᱤᱱ ᱴᱷᱮᱱ ᱠᱚ ᱦᱮᱡ ᱮᱱᱟ , ᱟᱨ ᱡᱚᱲᱛᱤ ᱟᱛᱮ ᱠᱚ ᱱᱮᱦᱚᱸᱨᱮᱱᱟ᱾ ᱟᱨ ᱠᱚ ᱟᱨᱚᱸᱡᱽ ᱮᱱᱟ ᱡᱮᱢᱚᱱ ᱡᱤᱣᱤ ᱫᱚ ᱵᱟᱧᱪᱟᱣᱟᱜ ᱛᱟᱠᱚ , ᱟᱫᱚ ᱤᱠᱟᱹ ᱫᱚᱠ ᱧᱟᱢ ᱠᱮᱫ ᱜᱮᱭᱟ , ᱢᱮᱱᱠᱷᱟᱱ ᱩᱱᱠᱩᱣᱟᱜ ᱦᱤᱸᱥᱟᱹᱵᱽ ᱯᱩᱛᱷᱤ ᱟᱨ ᱮᱢᱟᱱ ᱛᱮᱭᱟᱜ , ᱫᱟᱹᱞᱤᱞ ᱠᱟᱜᱚᱡᱽ ᱫᱚᱠᱚ ᱡᱮᱨᱮᱫ ᱜᱤᱰᱤ ᱠᱮᱫ ᱛᱟᱠᱚᱣᱟ ᱟᱨ ᱩᱱᱠᱩᱣᱟᱜ ᱫᱷᱚᱱ ᱫᱩᱨᱤᱵᱽ ᱫᱚ ᱞᱟᱹᱲᱦᱟᱹᱭ ᱯᱷᱟᱹᱫᱽ ᱞᱟᱹᱜᱤᱫ ᱠᱷᱚᱨᱚᱪ ᱢᱮᱱᱛᱮ ᱠᱚ ᱮᱢ ᱚᱪᱚ ᱠᱮᱫ ᱠᱚᱣᱟ᱾ ᱥᱤᱫᱚ - ᱠᱟᱹᱱᱦᱩ ᱫᱚ ᱨᱟᱡᱽ ᱢᱚᱦᱚᱞ ᱫᱚᱠᱷᱚᱞ ᱨᱮᱭᱟᱜ ᱟᱹᱰᱤ ᱠᱤᱱ ᱡᱮᱫᱽ ᱞᱮᱫᱟ ᱟᱨ ᱯᱷᱟᱹᱫᱽ ( ᱦᱤᱱ ) ᱥᱟᱦᱮᱵᱮ ᱰᱮᱨᱟᱭᱮ ᱠᱟᱱ ᱵᱟᱰᱟᱭ ᱠᱟᱛᱮ ᱦᱟᱯᱮ ᱛᱮᱠᱚ ᱨᱩᱣᱟᱹᱲ ᱮᱱᱟ᱾ ᱮᱱᱛᱮ ᱥᱟᱢ ᱯᱟᱨᱜᱟᱱᱟ ᱦᱚᱛᱮᱛᱮ ᱦᱚᱲ ᱦᱚᱯᱚᱱ ᱫᱚ ᱦᱤᱱ ᱥᱟᱦᱮᱵᱽ ᱠᱚ ᱩᱨᱩᱢ ᱟᱠᱟᱫᱮ ᱛᱟᱦᱮᱸ ᱠᱟᱱᱟ᱾ ᱚᱱᱟᱛᱮ ᱩᱱᱤ ᱢᱮᱱᱟᱭ ᱛᱩᱞᱩᱡ ᱞᱩᱴ ᱟᱨ ᱞᱟᱹᱲᱦᱟᱹᱭ ᱫᱚ ᱵᱟᱠᱚ ᱨᱮᱵᱮᱱ ᱞᱮᱱᱟ᱾ ᱛᱚᱵᱮ ᱑᱒ ᱡᱩᱞᱟᱭ ᱑᱘᱕᱕ ( 12th July,1855 ) ᱢᱟᱹᱦᱤᱛ ᱦᱤᱞᱚᱜ ᱥᱤᱫᱚ ᱫᱚ ᱯᱟᱠᱳᱲ ᱨᱮᱭᱟᱜ ᱨᱟᱡᱽ ᱚᱲᱟᱜ ᱟᱡ ᱨᱮᱱ - ᱯᱷᱟᱹᱫᱽ ᱠᱚ ᱟᱱᱛᱮᱭᱮ ᱞᱩᱴ ᱠᱮᱫᱟ ᱟᱨᱦᱚᱸ ᱢᱩᱨᱥᱤᱫᱟᱵᱟᱫᱽ ᱨᱮᱱ ᱢᱮᱡᱤᱥᱴᱨᱮᱴ ᱴᱩᱜᱩᱰ (Megistrate - Tugud) ᱫᱚ ᱒᱙ ᱜᱚᱴᱮᱡ ᱦᱟᱹᱛᱤ , ᱟᱹᱰᱤ ᱟᱭᱢᱟ ᱥᱟᱫᱚᱢ ᱟᱨ ᱵᱟᱨ ᱥᱟᱭ ( ᱒᱐᱐ ) ᱥᱤᱯᱟᱹᱦᱤ ᱟᱛᱮ ᱢᱚᱦᱮᱥᱯᱩᱨ ᱴᱚᱴᱷᱟᱨᱮ ᱦᱩᱞ ᱫᱚᱢᱲᱟᱣ ᱞᱟᱹᱜᱤᱫ - ᱮ ᱪᱟᱞᱟᱣ ᱞᱮᱱᱟ᱾ ᱥᱤᱫᱚ ᱫᱚ ᱟᱡ ᱵᱚᱭᱦᱟ ᱛᱟᱠᱚ ᱥᱮᱞᱮᱫ ᱟᱡ ᱨᱮᱱ ᱯᱷᱟᱹᱫᱽ ᱟᱛᱮ ᱥᱤᱯᱟᱹᱦᱤ ᱠᱚ ᱥᱚᱸᱜᱮ ᱑᱕ , ᱗ , ᱑᱘᱕᱕ (25.07.1855) ᱦᱤᱞᱚᱜ ᱜᱷᱟᱴᱟ ᱢᱟᱹᱨᱠᱚ ᱞᱟᱹᱲᱦᱟᱹᱭ ᱮᱱᱟ᱾ ᱥᱤᱫᱚ ᱨᱮᱱ ᱯᱷᱟᱹᱫᱽ ᱫᱚ ᱟᱹᱰᱤ ᱟᱭᱢᱟ ᱠᱚ ᱜᱚᱡ ᱮᱱᱟ᱾ ᱛᱚᱵᱮ ᱚᱱᱟ ᱞᱟᱹᱲᱦᱟᱹᱭ ᱨᱮ ᱥᱤᱫᱚ ᱜᱮ ᱢᱩᱪᱟᱹᱫ ᱦᱚᱲ ᱫᱚ ᱛᱟᱦᱮᱸ ᱠᱟᱱᱟ ,ᱚᱱᱮ ᱚᱠᱟ ᱫᱚ ᱞᱟᱹᱲᱦᱟᱹᱭ ᱴᱷᱟ:ᱭ -ᱮ ᱵᱟᱹᱜᱤ ᱟᱫ ᱛᱟᱦᱮᱸ ᱠᱟᱱ᱾ ᱥᱤᱫᱚ ᱠᱟᱹᱱᱦᱩ ᱫᱚ ᱨᱟᱡᱽ ᱞᱮᱠᱟᱠᱤᱱ ᱛᱟᱦᱮᱸ ᱠᱟᱱ ᱛᱟᱦᱮᱸ ᱠᱟᱱ ᱨᱮᱦᱚᱸ ᱥᱟᱜᱽᱨᱟᱢᱯᱩᱨ ᱞᱟᱹᱲᱦᱟᱹᱭ ᱨᱮ ᱫᱚ ᱠᱤᱱ ᱡᱩᱫᱟᱹᱭᱮᱱᱟ᱾ ᱞᱟᱹᱲᱦᱟᱹᱭ ᱞᱮᱦᱟ ᱞᱤᱦᱤᱭᱮᱱ ᱠᱷᱟᱱ ᱠᱤᱱ ᱱᱚᱨᱚᱢᱮᱱᱟ᱾ ᱨᱟᱡᱽ ᱫᱚᱨᱵᱟᱨ ᱨᱮᱭᱟᱜ ᱡᱟᱸᱠ ᱡᱚᱢᱚᱠ ᱫᱚᱠᱤᱱ ᱫᱮᱭᱟ ᱜᱤᱰᱤ ᱠᱮᱫᱟ᱾ ᱮᱠᱮᱱ ᱥᱮᱱᱟᱯᱟᱹᱛᱤ ᱴᱩᱯᱨᱤ ᱟᱨ ᱥᱚᱱᱟ ᱵᱟᱹᱡᱩ ᱯᱷᱤᱨᱤᱛᱮ ᱮᱴᱟᱜ ᱦᱚᱲ ᱠᱷᱚᱱ ᱫᱚ ᱵᱷᱮᱜᱟᱨ ᱠᱤᱱ ᱛᱟᱦᱮᱸ ᱠᱟᱱᱟ᱾ ᱥᱤᱫᱚ ᱫᱚ ᱵᱷᱟᱪ ᱵᱷᱟᱪᱟᱣ ᱫᱚ ᱚᱠᱟᱭᱮᱱ ᱛᱟᱭ ᱪᱚ᱾ ᱮᱱ ᱦᱤᱞᱚᱜ ᱛᱟᱨᱟᱥᱤᱧ ᱵᱮᱲᱟ ᱥᱤᱯᱟᱹᱦᱤ ᱠᱚ ᱥᱮᱴᱮᱨᱮᱱ ᱠᱷᱟᱱ ᱜᱮ ᱦᱩᱞᱟᱹᱥ ᱵᱷᱟᱸᱜᱟᱣ ᱮᱱᱟᱠᱤᱱ ᱟᱨ ᱵᱟᱹᱭᱨᱤ ᱠᱚ ᱥᱟ:ᱜᱤᱧ ᱨᱮᱠᱚ ᱛᱟᱦᱮᱸ ᱠᱟᱱ ᱨᱮ ᱡᱮᱞᱮᱠᱟ ᱱᱤᱦᱟᱹᱛ ᱜᱮᱠᱤᱱ ᱢᱮᱛᱟᱠᱚ ᱠᱟᱱ ᱛᱟᱦᱮᱸ ᱠᱟᱱᱟ , ᱚᱱᱠᱟ ᱟᱫᱚᱯ ᱫᱚ ᱥᱟᱱᱟᱢ ᱚᱴᱟᱝ ᱮᱱ ᱛᱟᱹᱠᱤᱱᱟ ᱱᱩᱠᱩ ᱯᱷᱟᱹᱫᱽ ᱚᱠᱚᱭ ᱛᱩᱞᱩᱡ ᱵᱷᱤᱲᱟᱣᱚᱜ ᱦᱳᱦᱳᱜ ᱛᱟᱠᱚ , ᱩᱱᱠᱩ ᱫᱚ ᱵᱷᱟᱹᱭᱟᱫᱤ ᱠᱤᱱ ᱮᱠᱟᱞᱛᱮ ᱵᱟᱹᱠᱤᱱ ᱩᱨᱩᱢ ᱟᱠᱟᱫ ᱠᱚ ᱛᱟᱦᱮᱸ ᱠᱟᱱᱟ᱾ ᱮᱱᱦᱚᱸ ᱞᱟᱦᱟ ᱠᱷᱟᱱ ᱜᱚᱴᱟᱣᱟᱠᱟᱫ ᱞᱮᱠᱟ ᱯᱷᱟᱹᱫᱽ ᱫᱚ ᱟᱭᱢᱟ ᱛᱷᱚᱠ ᱨᱮᱠᱤᱱ ᱦᱟᱸᱴᱤᱧ ᱠᱮᱫ ᱠᱚᱣᱟ ᱟᱨ ᱯᱟᱞᱴᱚᱱ ᱥᱚᱸᱜᱮ ᱠᱚ ᱞᱟᱹᱲᱦᱟᱹᱭ ᱮᱱᱟ᱾ ᱚᱱᱠᱟᱛᱮ ᱥᱟᱜᱽᱨᱟᱢᱯᱩᱨ ᱨᱮᱭᱟᱜ ᱞᱟᱹᱲᱦᱟᱹᱭ ᱨᱮ ᱫᱚᱠᱚ ᱡᱤᱛᱟᱹᱣ ᱮᱱᱮ᱾ ᱥᱟᱜᱽᱨᱟᱢ ᱯᱩᱨ ᱨᱮᱭᱟᱜ ᱞᱟᱹᱲᱦᱟᱹᱭ ᱛᱟᱭᱚᱢ ᱥᱤᱫᱚ - ᱠᱟᱹᱱᱦᱩ ᱫᱚ ᱟᱹᱠᱤᱱ ᱨᱮᱱ ᱡᱚᱛᱚ ᱯᱷᱟᱹᱫᱽ ᱠᱚ ᱵᱟᱰᱷᱮᱫ ᱛᱮᱠᱱᱤ ᱟᱹᱜᱩ ᱥᱟᱢᱴᱟᱣ ᱠᱮᱫ ᱠᱚᱣᱟ᱾ ᱚᱸᱰᱮ ᱞᱟᱹᱲᱦᱟᱹᱭ ᱟᱨ ᱵᱮᱡᱷᱟ ᱛᱩᱧ ᱠᱚ ᱦᱮᱣᱟᱜ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱢᱮᱱᱠᱷᱟᱱ ᱟᱭᱢᱟ ᱯᱷᱟᱹᱫᱽ ᱠᱚ ᱛᱟᱦᱮᱸ ᱠᱟᱱᱛᱮ ᱡᱚᱢ ᱧᱩ ᱫᱚᱠᱚ ᱴᱟᱱᱴᱟᱭᱮᱱᱟ᱾ ᱩᱱᱨᱮ ᱥᱤᱫᱽ ᱫᱚ ᱠᱮᱱᱟ ᱨᱟᱢ ᱵᱷᱚᱜᱚᱛ ᱨᱮᱱ ᱠᱟᱹᱢᱤᱭᱟᱹ ᱠᱚᱭ ᱥᱟᱵ ᱠᱮᱫ ᱠᱚᱣᱟ , ᱚᱠᱚᱭ ᱫᱚ ᱠᱳᱸᱵᱽᱲᱳ , ᱰᱟᱹᱠᱩ ᱟᱨ - ᱞᱩᱴᱯᱟᱴ ᱨᱮᱠᱚ ᱦᱮᱣᱟ ᱟᱠᱟᱱᱟ᱾ ᱩᱱᱠᱩ ᱫᱚ ᱚᱱᱛᱮ ᱱᱚᱛᱮ ᱳᱰᱳᱠ ᱥᱮᱱ ᱠᱟᱛᱮ ᱳᱠᱳ ᱫᱚᱦᱚ ᱟᱠᱟᱫ ᱫᱟᱹᱞ , ᱪᱟᱣᱞᱮ , ᱮᱢᱟᱱ ᱨᱮᱭᱟᱜ ᱜᱚᱞᱟᱠᱚ ᱥᱮᱸᱫᱽᱨᱟ ᱧᱟᱢ ᱠᱮᱫᱟ , ᱤᱱᱟᱹᱛᱮ ᱯᱷᱟᱹᱫᱽ ᱠᱚ ᱡᱚᱢᱟᱜ ᱠᱚ ᱧᱟᱢ ᱤᱫᱤᱠᱮᱫᱟ᱾ ᱤᱱᱟᱹ ᱛᱟᱭᱚᱢ ᱯᱮᱭᱟᱞᱟᱯᱩᱨ ᱨᱮᱭᱟᱜ ᱞᱟᱹᱲᱦᱟᱹᱭ ᱨᱮᱦᱚᱸ ᱯᱷᱟᱹᱫᱽ ᱠᱤᱱ ᱥᱟᱯᱲᱟᱣ ᱤᱫᱤ ᱠᱮᱫ ᱠᱚᱣᱟ ᱟᱨ ᱜᱷᱟᱴᱟᱢᱟᱹᱨᱠᱚ ᱞᱟᱹᱲᱦᱟᱹᱭ ᱮᱱᱟ᱾ ᱢᱮᱱᱠᱷᱟᱱ ᱚᱸᱰᱮ ᱫᱚ ᱯᱟᱹᱦᱤᱞ ᱯᱷᱟᱹᱫᱽ ᱟᱹᱜ-ᱭᱩᱨᱤᱡ ᱪᱟᱱᱫᱽᱨᱟᱭ ᱠᱚ ᱴᱷᱩ ᱵᱷᱤᱸᱫᱟᱹᱲ ᱠᱮᱫᱮ ᱠᱷᱟᱱ ᱟᱨ ᱠᱟᱹᱱᱦᱩ ᱦᱚᱸᱠᱚ ᱜᱷᱟᱹᱞ ᱠᱮᱫᱮ ᱠᱷᱟᱱ ᱥᱤᱫᱚ ᱫᱚᱭ ᱮᱫᱽᱨᱮ ᱥᱮᱸᱜᱮᱞᱮᱱᱟ ᱟᱨ ᱴᱩᱧ ᱜᱷᱩᱲᱤᱛᱮ , ᱢᱤᱫ ᱨᱤᱯᱤᱫ ᱨᱮ ᱦᱚᱭ ᱞᱮᱠᱟ ᱯᱟᱞᱴᱚᱱ ᱠᱚ ᱴᱷᱮᱱᱮ ᱧᱤᱨ ᱵᱤᱨᱟᱹᱣᱮᱱᱟ᱾ ᱟᱪᱠᱟ ᱜᱮ ᱢᱤᱫ ᱴᱮᱱ ᱜᱩᱞᱤᱛᱮ ᱥᱤᱫᱚ ᱫᱚᱭ ᱴᱩᱴᱤ ᱡᱚᱥ ᱮᱱᱟ᱾ ᱛᱟᱨᱣᱟᱲᱮᱭᱮ ᱥᱟᱵ ᱟᱠᱟᱫ ᱛᱟᱦᱮᱸ ᱠᱟᱱ ᱛᱤ ᱫᱚ ᱞᱟᱹᱵᱲᱩᱜ ᱮᱱ ᱛᱟᱭᱟ , ᱫᱷᱟᱱ ᱢᱟᱱᱟᱣᱸᱜᱚᱫ ᱮᱱᱟᱭ , ᱮᱱᱛᱮ ᱥᱳᱯᱳᱠᱚ ᱴᱩᱴᱤ ᱜᱮᱡᱮᱨ ᱠᱮᱫ ᱛᱟᱭᱟ᱾ ᱥᱤᱫᱚ ᱫᱚ ᱛᱤᱨᱮ ᱜᱩᱞᱤ ᱵᱟᱡᱟᱣ ᱟᱫᱮᱛᱮ ᱨᱟᱹᱯᱩᱫ ᱮᱱ ᱛᱟᱭᱟ ᱟᱨ ᱟᱹᱰᱤ ᱢᱩᱥᱠᱤᱞ ᱨᱮᱭᱮ ᱯᱟᱲᱟᱣ ᱮᱱᱟ᱾ ᱠᱷᱟᱱ , ᱥᱤᱝᱨᱟᱹᱭ ᱟᱨ ᱵᱟᱨ ᱯᱮ ᱦᱚᱲ ᱫᱚ ᱯᱤᱯᱲᱟᱹᱛᱮᱠᱚ ᱟᱹᱛᱠᱤᱨ ᱤᱫᱤᱠᱮᱫᱮᱭᱟ᱾ ᱢᱮᱱᱠᱷᱟᱱ ᱫᱮᱠᱳᱮᱢᱟᱱ ᱦᱚᱛᱮᱛᱮ ᱥᱟᱵ ᱚᱪᱚᱜ ᱵᱚᱛᱚᱨᱛᱮ ᱚᱸᱰᱮ ᱦᱚᱸ ᱵᱟᱠᱚ ᱛᱟᱦᱮᱸ ᱞᱮᱱᱟ᱾ ᱥᱤᱫᱚ ᱥᱟᱵᱮ ᱞᱟᱹᱜᱤᱫ ᱵᱟᱹᱭᱨᱤ ᱦᱚᱲ ᱫᱚᱠᱚ ᱯᱟᱸᱡᱟ ᱵᱟᱲᱟᱭᱮ ᱛᱟᱦᱮᱸ ᱠᱟᱱᱟ᱾ ᱮᱱᱛᱮ ᱥᱤᱫᱚ ᱥᱟᱵᱮ ᱞᱟᱹᱜᱤᱫ ᱵᱷᱟᱜᱚᱞᱯᱩᱨ ᱨᱮᱱ ᱠᱚᱢᱤᱥᱚᱱᱟᱨ ᱫᱚ ᱕᱐᱐᱐ ᱴᱟᱠᱟ ᱵᱟᱹᱠᱥᱤᱥᱮ ᱞᱟᱹᱭ ᱡᱟᱹᱦᱤᱨ ᱟᱠᱟᱫ ᱛᱟᱦᱮᱸ ᱠᱟᱱᱟ᱾ ᱯᱤᱯᱲᱟᱹ ᱠᱷᱚᱱ ᱩᱱᱠᱩ ᱫᱚ ᱵᱟᱨᱟᱠᱚᱨ ᱜᱟᱰᱟ ᱚᱱᱟ ᱯᱟᱨᱚᱢ ᱠᱚ ᱫᱟᱹᱲ ᱯᱟᱨᱚᱢ ᱡᱚᱝ ᱠᱟᱱ ᱛᱟᱦᱮᱸ ᱠᱟᱱ ᱨᱮ ᱵᱤᱨ ᱵᱷᱤᱛᱨᱤᱨᱮ ᱢᱤᱫ ᱴᱮᱱ ᱠᱩᱸᱵᱟᱹ ᱨᱮᱠᱚ ᱥᱮᱸᱫᱽᱨᱟ ᱧᱟᱢ ᱠᱮᱫ ᱠᱚᱣᱟ᱾ ᱦᱚᱲ ᱦᱚᱯᱚᱱ , ᱥᱩᱭᱠᱟᱹᱨᱫᱟᱨ ᱦᱚᱛᱮ ᱛᱮᱜᱮ ᱠᱚ ᱥᱟᱵ ᱠᱮᱫ ᱠᱚᱣᱟ᱾ ᱥᱤᱫᱚ ᱫᱚ ᱑᱙ ᱹ ᱘ ᱹ ᱑᱘᱕᱕ ( 29.8.1855 ) ᱢᱟᱹᱦᱤᱛ ᱦᱤᱞᱚᱜ ᱠᱚ ᱥᱟᱵ ᱠᱮᱫᱮᱭᱟ᱾ ᱥᱟᱵ ᱚᱪᱚᱭᱮᱱ ᱛᱟᱭᱚᱢ ᱥᱤᱫᱚ ᱫᱚ ᱱᱤᱡᱟᱢᱟᱛ ᱟᱫᱟᱞᱚᱛ ᱨᱮᱠᱚ ᱵᱤᱪᱟᱹᱨ ᱠᱮᱫᱮᱭᱟ ᱟᱨ ᱨᱟᱡᱽ ᱵᱤᱨᱩᱫᱽ ᱞᱟᱹᱲᱦᱟᱹᱭ ᱞᱩᱴ ᱟᱨ ᱫᱟᱨᱚᱜᱟ ᱢᱚᱦᱮᱥᱞᱟᱞ ᱫᱚᱠᱚ ᱜᱚᱡ ᱞᱮᱫᱮ ᱨᱮᱭᱟᱜ ᱫᱳᱥ ᱠᱟᱛᱮ ᱠᱚ ᱵᱤᱪᱟᱹᱨ ᱫᱩᱥᱤ ᱠᱮᱫᱮᱭᱟ᱾ ᱑᱘᱕᱕ ᱥᱟᱞ ᱨᱮᱭᱟᱜ ᱕ ᱰᱤᱥᱮᱢᱵᱟᱨ ᱦᱤᱞᱳᱜ ᱫᱚ ᱯᱟᱹᱥᱤ ᱮ ᱨᱮᱭᱟᱜ ᱨᱟᱭ ᱳᱰᱳᱠᱮᱱᱟ᱾ ᱜᱚᱴᱟ ᱠᱮᱫᱟ ᱠᱚ ᱵᱟᱝᱢᱟ ᱚᱠᱟ ᱡᱟᱭᱜᱟ ᱨᱮ ᱫᱟᱨᱚᱜᱟ ᱠᱚ ᱜᱚᱡ ᱞᱮᱫᱮ , ᱚᱱᱟ ᱡᱟᱭᱜᱟ ᱨᱮᱜᱮ ᱥᱤᱫᱚ ᱫᱚᱠᱚ ᱯᱟᱹᱥᱤ ᱮᱭᱟ᱾ ᱟᱨ ᱦᱚᱸᱠᱚ ᱜᱚᱴᱟ ᱠᱮᱫᱟ , ᱵᱟᱝᱢᱟ ᱥᱤᱫᱚ ᱯᱟᱹᱥᱤᱭᱮ ᱠᱷᱚᱵᱚᱨ ᱫᱚ ᱡᱮᱢᱚᱱ ᱰᱷᱳᱞ ᱯᱤᱴᱟᱹᱣ ᱠᱟᱛᱮ ᱜᱚᱴᱟ ᱴᱟ:ᱰᱤ ᱞᱟᱹᱭ ᱯᱟᱥᱱᱟᱣᱚᱜ᱾ ᱛᱷᱚᱲᱟ ᱫᱤᱱ ᱛᱟᱭᱚᱢ ᱠᱷᱟᱱ ᱜᱮ ᱞᱚᱪᱚᱫ ᱞᱚᱪᱚᱫ ᱦᱚᱲ ᱥᱟᱢᱟᱝ ᱨᱮ ᱯᱟᱹᱞᱴᱤᱱ ( Pontet ) ᱥᱟᱦᱮᱵᱽ ᱫᱚ ᱥᱤᱫᱚ ᱟᱨ ᱥᱤᱝᱨᱟᱹᱭᱮ ᱯᱟᱹᱥᱤ ᱚᱪᱚᱠᱮᱫ ᱠᱮᱫ ᱠᱤᱱᱟ , ᱵᱤᱨᱵᱟᱱᱴᱟ ᱦᱚᱲ ᱞᱮᱠᱟ ᱠᱷᱟᱹᱛᱤᱨᱡᱚᱢᱟ ᱢᱚᱨᱚᱱ ᱠᱤᱱ ᱦᱚᱵᱚᱨᱟᱱᱟ᱾ ᱯᱟᱹᱥᱤ ᱠᱮᱫᱮ ᱨᱮᱭᱟᱜ ᱫᱤᱱ ᱛᱟᱹᱨᱤᱠ ᱠᱚᱫᱚ ᱵᱟᱝ ᱧᱟᱢ ᱟᱠᱟᱱᱟ᱾ ᱴᱩᱜᱩᱰ ᱥᱟᱦᱮᱵᱽ ᱫᱚ ᱵᱷᱚᱜᱽᱱᱟᱰᱤ ᱨᱮ ᱦᱮᱡ ᱠᱟᱛᱮ ᱥᱤᱫᱚᱣᱟᱜ ᱚᱲᱟᱜ ᱠᱷᱚᱱ ᱔᱘ ᱜᱚᱴᱮᱱ ᱪᱤᱴᱷᱤ ᱭᱮ ᱧᱟᱢ ᱠᱮᱫᱟ᱾ ᱚᱱᱟᱠᱚ ᱪᱤᱴᱷᱤᱠᱚᱨᱮ ᱫᱚ ᱟᱹᱰᱤ ᱟᱭᱢᱟ ᱦᱚᱲ ᱦᱚᱛᱮᱛᱮ , ᱦᱟᱱᱛᱮ ᱱaᱦᱛᱮ ᱠᱷᱚᱱ ᱱᱮᱦᱚᱸᱨ ᱟᱠᱟᱱᱟ ᱵᱟᱝ ᱢᱟ ᱠᱚᱪᱞᱚᱱ ᱟᱨ ᱥᱤᱵᱚᱲ ᱚᱪᱚᱜ ᱠᱷᱚᱱ ᱡᱮᱢᱚᱱ ᱩᱥᱟᱹᱨᱟ ᱪᱷᱟᱰᱟᱣᱮ ᱧᱟᱢ ᱚᱪᱚᱠᱚ᱾ ᱥᱤᱫᱚ ᱫᱚᱭ ᱠᱩᱠᱢᱩ ᱞᱮᱫ ᱛᱟᱦᱮᱸ ᱠᱟᱱᱟ ᱵᱟᱝ ᱢᱟ ᱠᱩᱥᱤ - ᱨᱟᱹᱥᱠᱟᱹ ᱟᱨ ᱞᱟᱦᱟᱱᱛᱤ ᱟᱠᱟᱱ ᱢᱤᱫ ᱴᱮᱱ ᱥᱟᱱᱛᱟᱞ ᱥᱚᱢᱟᱡᱽ ᱵᱮᱱᱟᱣ ᱨᱟᱠᱟᱵ ᱨᱮᱭᱟᱜ᱾ ᱱᱚᱣᱟ ᱠᱩᱠᱢᱩ ᱯᱩᱨᱟᱹᱣ ᱚᱪᱚᱭ ᱞᱟᱹᱜᱤᱫ ᱩᱱᱤ ᱫᱚ ᱫᱟᱲᱮᱹᱭᱟᱜ ᱵᱷᱳᱨᱮ ᱠᱩᱨᱩᱢᱩᱴᱩ ᱞᱮᱫᱟ , ᱢᱮᱱᱠᱷᱟᱱ ᱵᱟᱝ ᱯᱩᱨᱟᱹᱣ ᱞᱮᱱᱛᱟᱭᱟ᱾ ᱢᱮᱱᱠᱷᱟᱱ ᱠᱚᱪᱚᱞᱚᱱ ᱟᱨ ᱥᱤᱵᱚᱲ ᱚᱪᱚᱜ ᱵᱤᱨᱩᱫᱽᱨᱮ ᱛᱮᱸᱜᱳ ᱫᱟᱨᱟᱢ ᱨᱮᱭᱟᱜ ᱚᱠᱟ ᱥᱤᱠᱷᱟᱹᱣᱱᱟᱭ ᱫᱚᱦᱚ ᱚᱴᱚᱠᱟᱫ , ᱚᱱᱟ ᱯᱟᱸᱡᱟ ᱠᱟᱛᱮ ᱡᱩᱜᱽ ᱡᱩᱜᱽ ᱦᱟᱹᱵᱤᱡ ᱥᱟᱭ ᱥᱟᱭ ᱢᱟᱭᱟᱢ ᱜᱚᱦᱟᱠᱚ ᱫᱚ ᱠᱚᱪᱞᱚᱱ ᱚᱪᱚᱜ ᱵᱤᱨᱩᱫᱽ ᱨᱮ ᱛᱮᱸᱜᱳ ᱫᱟᱨᱟᱢ ᱠᱟᱛᱮ ᱡᱤᱣᱤ ᱠᱚ ᱟᱞᱟᱭ ᱠᱮᱫ ᱠᱚᱣᱟ᱾ ᱚᱱᱟᱛᱮ ᱥᱟᱱᱛᱟᱞ ᱦᱩᱞ ᱨᱮ ᱦᱚᱲ ᱦᱚᱯᱚᱱ ᱵᱟᱠᱚ ᱡᱤᱛᱟᱹᱣ ᱞᱮᱱ ᱨᱮᱦᱚᱸ ᱥᱤᱫᱚᱣᱟᱜ ᱡᱤᱣᱤ ᱟᱞᱟᱭ ᱫᱚ ᱵᱟᱝ ᱟᱹᱣᱲᱤᱭᱟᱜ ᱟᱠᱟᱱ ᱛᱟᱭᱟ᱾ Sida Murmu : ᱪᱟᱸᱫᱽ ᱢᱩᱨᱢᱩ: ᱪᱩᱱᱩ ᱢᱩᱨᱢᱩ ᱨᱮᱱ ᱥᱟᱸᱡᱽᱞᱟᱭᱤᱡ ᱠᱚᱲᱟ ᱫᱚ ᱪᱟᱸᱫᱽ ᱢᱩᱨᱢᱩᱭ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱥᱟᱱᱛᱟᱲ ᱦᱩᱞ ᱨᱮᱱ ᱟᱹᱜᱼᱭᱩᱨ ᱠᱤᱱ ᱥᱤᱫᱚ - ᱠᱟᱹᱱᱦᱩ ᱨᱮᱱ ᱵᱚᱭᱦᱟᱭᱮ ᱛᱟᱦᱮᱸ ᱠᱟᱱᱟ᱾ ᱟᱢᱫᱟᱡᱽ ᱑᱘᱓᱑ ᱥᱟᱞ ᱠᱚᱨᱮ ᱪᱟᱸᱫᱽ ᱢᱩᱨᱢᱩ ᱫᱚᱭ ᱡᱟᱱᱟᱢ ᱞᱮᱱ ᱛᱟᱦᱮᱸ ᱠᱟᱱᱟ᱾ ᱦᱩᱞ ᱚᱠᱛᱮᱨᱮ ᱩᱱᱤᱭᱟᱜ ᱩᱢᱮᱨ ᱫᱚ ᱵᱟᱨ ᱜᱮᱞ ᱯᱩᱱ ( ᱒᱔ ) ᱵᱚᱪᱷᱚᱨ ᱞᱮᱠᱟ ᱛᱟᱦᱮᱸ ᱠᱟᱱ ᱛᱟᱭᱟ᱾ ᱡᱟᱦᱮᱨ ᱮᱨᱟ ᱫᱚ ᱚᱠᱟ ᱫᱷᱚᱨᱚᱢ ᱠᱟᱜᱚᱡᱽ ᱥᱤᱫᱚ – ᱠᱟᱹᱱᱦᱩ ᱛᱟᱹᱠᱤᱱᱮ ᱮᱢᱟᱫ ᱠᱤᱱ ᱛᱟᱦᱮᱸ ᱠᱟᱱᱟ , ᱚᱱᱟ ᱫᱚ ᱪᱟᱸᱫᱽ ᱜᱮᱭᱮ ᱯᱟᱲᱦᱟᱣ ᱟᱸᱡᱚᱢ ᱟᱫ ᱠᱤᱱ ᱛᱟᱦᱮᱸ ᱠᱟᱱᱟ , ᱮᱱᱠᱟᱛᱷᱟᱭ ᱚᱞ ᱛᱟᱦᱮᱸ ᱠᱟᱱᱟ : - ᱡᱩᱫᱤ ᱡᱚᱛᱷᱟᱛ ᱵᱤᱪᱟᱹᱨᱮᱢ ᱧᱟᱢ ᱠᱟᱱ ᱠᱷᱟᱱ , ᱢᱟᱦᱟᱡᱚᱱ ᱠᱚ ᱛᱩᱞᱩᱡ ᱞᱟᱹᱲᱦᱟᱹᱭ ᱢᱮ᱾ ᱟᱨᱦᱚᱸ ᱦᱚᱲ ᱦᱚᱯᱚᱱ ᱠᱚ ᱜᱤᱨᱟᱹ ᱵᱟᱹᱥᱤ ᱟᱠᱟᱱ ᱟᱹᱰᱤ ᱟᱹᱰᱤ ᱴᱚᱴᱷᱟ ᱠᱷᱚᱱ ᱦᱚᱲ ᱫᱚ ᱥᱤᱫᱚ - ᱠᱟᱹᱱᱦᱩ ᱛᱟᱹᱠᱤᱱ , ᱪᱤᱴᱷᱤ ᱠᱚ ᱚᱞ ᱟᱹᱠᱤᱱ ᱠᱟᱱ ᱛᱟᱦᱮᱸ ᱠᱟᱱᱟ , ᱵᱟᱝᱢᱟ ᱤᱝᱨᱟᱹᱡᱽ ᱨᱮᱱ ᱥᱤᱯᱟᱹᱦᱤ ᱠᱚᱣᱟᱜ ᱠᱚᱪᱞᱚᱱ ᱛᱮᱠᱚ ᱡᱟᱞᱮ — ᱛᱷᱟᱞᱮ ᱹ ᱪᱟᱵᱟᱣᱟᱠᱟᱱ᱾ ᱡᱮᱢᱚᱱ ᱩᱱᱠᱩ ᱫᱚ ᱩᱥᱟᱹᱨᱟ ᱠᱚ ᱚᱣᱟᱨ ᱚᱪᱚᱜ᱾ ᱱᱚᱣᱟᱠᱚ ᱡᱚᱛᱚ ᱪᱤᱴᱷᱤ ᱫᱚ ᱪᱟᱸᱫᱽ ᱜᱮᱭᱮ ᱯᱟᱲᱦᱟᱣ ᱟᱸᱡᱚᱢ ᱟᱹᱠᱤᱱ ᱠᱟᱱ ᱛᱟᱦᱮᱸ ᱠᱟᱱᱟ ᱟᱨ ᱨᱚᱲ ᱨᱩᱣᱟᱹᱲ ᱦᱚᱸ ᱪᱟᱸᱫᱽ ᱜᱮᱭᱮ ᱚᱞᱮᱫ ᱛᱟᱦᱮᱸ ᱠᱟᱱᱟ᱾ ᱚᱱᱟᱛᱮᱵᱚᱱ ᱵᱟᱰᱟᱭ ᱫᱟᱲᱮᱭᱟᱜ ᱠᱟᱱᱟ , ᱵᱟᱝ ᱢᱟ ᱯᱩᱱ ᱵᱚᱭᱦᱟ ᱢᱩᱫᱽ ᱨᱮ ᱪᱟᱸᱫᱽ ᱫᱚ ᱚᱞᱚᱜ - ᱯᱟᱲᱦᱟᱣ ᱮ ᱵᱟᱰᱟᱭ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱪᱟᱸᱫᱽ ᱫᱚ ᱥᱟᱱᱛᱟᱲ ᱦᱩᱞ ᱨᱮ ᱯᱷᱟᱹᱫᱽ ᱪᱟᱹᱞᱟᱹᱣᱟ ᱦᱚᱸᱭᱮ ᱛᱟᱦᱮᱸ ᱠᱟᱱᱟ᱾ ᱥᱟᱜᱽᱨᱟᱢᱯᱩᱨ ᱟᱨ ᱯᱮᱭᱟᱞᱟ ᱯᱩᱨ ᱨᱮᱭᱟᱜ ᱵᱟᱱᱟᱨ ᱞᱟᱹᱲᱦᱟᱹᱭ ᱨᱮᱜᱮ ᱟᱡ ᱨᱮᱱ ᱯᱷᱟᱹᱫᱮ ᱟᱹᱭᱩᱨ ᱞᱮᱫ ᱠᱚᱣᱟ᱾ ᱞᱟᱹᱲᱦᱟᱹᱭ ᱵᱟᱝ ᱦᱳᱭᱳᱜ ᱡᱚᱠᱷᱮᱡ ᱟᱡᱨᱮᱱ ᱯᱷᱟᱹᱫᱽ ᱫᱚ ᱟᱹᱰᱤ ᱞᱮᱠᱟᱛᱮ ᱞᱟᱹᱲᱦᱟᱹᱭ ᱞᱟᱹᱜᱤᱫ - ᱮ ᱮᱛᱳᱭᱮᱫ ᱠᱚ ᱛᱟᱦᱮᱸ ᱠᱟᱱᱟ , ᱡᱮᱞᱮᱠᱟ ᱵᱮᱡᱷᱟ ᱛᱩᱧ ᱮᱢᱟᱱ᱾ ᱦᱩᱞ ᱪᱟᱵᱟ ᱠᱟᱛᱮ ᱤᱝᱨᱮᱹᱡᱽ ᱠᱚ ᱫᱚ ᱪᱟᱸᱫᱽ ᱠᱚ ᱥᱟᱵ - ᱠᱮᱫᱮᱭᱟ ᱟᱨ ᱵᱤᱪᱟᱹᱨ ᱫᱩᱥᱤ ᱠᱟᱛᱮ ᱦᱟᱡᱚᱛ ᱨᱮᱠᱚ ᱵᱷᱚᱨᱟᱣ ᱠᱮᱫᱮᱭᱟ᱾ ᱦᱟᱡᱚᱛ ᱨᱮᱜᱮ ᱪᱟᱸᱫᱽ ᱫᱚᱭ ᱵᱮᱸᱰᱟᱣ ᱮᱱᱟ᱾ ᱵᱷᱟᱭᱨᱚᱵ ᱢᱩᱨᱢᱩ: ᱪᱩᱱᱩ ᱢᱩᱨᱢᱩ ᱨᱮᱱ ᱦᱩᱰᱤᱧ ᱩᱛᱟᱹᱨᱤᱡ ᱠᱚᱲᱟᱣᱟᱜ ᱧᱩᱛᱩᱢ ᱜᱮ ᱵᱷᱚᱭᱨᱚᱵ ᱢᱩᱨᱢᱩ᱾ ᱩᱱᱤ ᱥᱟᱱᱛᱟᱲ ᱦᱩᱞ ᱨᱮᱱ ᱟᱹᱜᱼᱭᱩᱨ ᱠᱤᱱ ᱥᱤᱫᱚ - ᱠᱟᱹᱱᱦᱩ ᱥᱚᱸᱜᱮᱭᱮ ᱛᱟᱦᱮᱸᱱ ᱠᱟᱱ ᱛᱟᱦᱮᱸ ᱠᱟᱱᱟ ᱟᱨ ᱯᱷᱟᱹᱫᱽ ᱮ ᱟᱹᱭᱩᱨᱮᱫ ᱠᱚ ᱛᱟᱦᱮᱸ ᱠᱟᱱᱟ᱾ ᱟᱢᱫᱟᱡᱽ - ᱑᱘᱓᱕ ᱥᱟᱞ ᱠᱚᱨᱮ ᱵᱷᱚᱭᱨᱚᱵ ᱫᱚᱭ ᱡᱟᱱᱟᱢ ᱞᱮᱱᱟ᱾ ᱦᱩᱞ ᱦᱳᱭᱳᱜ ᱚᱠᱛᱮ ᱵᱷᱚᱭᱨᱚ ᱫᱚ ᱮᱠᱮᱱ ᱒᱐ ᱥᱮᱨᱢᱟ ᱩᱢᱮᱨ ᱨᱮᱱ ᱛᱟᱦᱮᱸ ᱠᱟᱱᱟ᱾ ᱱᱩᱱᱟᱹᱜ ᱦᱩᱰᱤᱧ ᱩᱢᱮᱨ ᱨᱮ ᱦᱚᱸ ᱵᱷᱭᱨᱚᱵ ᱫᱚ ᱫᱤᱞ ᱟᱨ ᱫᱟᱲᱮᱹ ᱛᱮᱫᱚ ᱯᱩᱨᱩᱱ ᱜᱮᱭᱮ ᱛᱟᱦᱮᱸ ᱠᱟᱱᱟ᱾ ᱦᱚᱲᱢᱚ ᱫᱚ ᱰᱟᱴᱢᱚᱴ ᱠᱮᱪᱮᱫ ᱛᱟᱦᱮᱸ ᱠᱟᱱ ᱛᱟᱦᱟ , ᱦᱚᱲ ᱦᱚᱯᱚᱱ ᱠᱚᱠᱚ ᱥᱟᱱᱛᱟᱣ ᱚᱪᱚᱜ ᱨᱮᱭᱟᱜ ᱠᱟᱛᱷᱟᱠᱚ ᱫᱚ ᱟᱡ ᱫᱟᱫᱟ ᱛᱟᱹᱠᱤᱱ ᱴᱷᱮᱱᱮ ᱟᱸᱡᱚᱢ ᱡᱚᱝ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱦᱩᱞ ᱟᱹᱣᱨᱤ ᱮᱦᱚᱵᱚᱜ ᱨᱮ ᱥᱟᱦᱮᱵᱽ ᱠᱚ ᱫᱚ ᱨᱮᱹᱞ ᱥᱚᱲᱚᱠ ᱵᱮᱱᱟᱣ ᱠᱚ ᱮᱦᱚᱵ ᱟᱠᱟᱱ ᱛᱟᱦᱮᱸ ᱠᱟᱱᱟ᱾ ᱴᱷᱤᱠᱟᱹ ᱫᱟᱨ ᱠᱚ ᱫᱚ ᱦᱚᱲ ᱟᱛᱳ ᱯᱷᱮᱰ ᱠᱚᱨᱮ ᱜᱮᱠᱚ ᱰᱮᱨᱟᱜ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱩᱱᱠᱩ ᱫᱚ ᱟᱹᱛ ᱠᱚ ᱧᱟᱢ ᱞᱮᱠᱷᱟᱱ ᱜᱮ ᱦᱚᱲ ᱨᱮᱱ ᱥᱤᱢ ,ᱜᱮᱰᱮ ᱢᱮᱨᱚᱢ ᱠᱚ ᱩᱴᱷᱟᱹᱣ ᱤᱫᱤᱭᱮᱫ ᱠᱚ ᱛᱟᱦᱮᱸ ᱠᱟᱱᱟ᱾ ᱚᱠᱛᱮᱨᱮ ᱫᱚ ᱢᱟᱹᱭᱡᱤᱣᱠᱚ ᱦᱚᱸᱠᱚ ᱪᱷᱤᱱ ᱜᱟᱹᱣ ᱤᱫᱤᱠᱮᱫ ᱠᱚ ᱛᱟᱦᱮᱸ ᱠᱟᱱᱟ᱾ ᱢᱚᱱ ᱢᱚᱱᱛᱮᱭ ᱦᱩᱫᱤᱥᱮᱫ ᱛᱟᱦᱮᱸ ᱠᱟᱱᱟ , ᱛᱤᱥ ᱦᱤᱡᱩᱜ – ᱟ ᱚᱱᱟ ᱫᱤᱱ , ᱚᱱᱮ ᱩᱱᱨᱮ ᱱᱩᱠᱩ ᱦᱟᱲᱢᱟᱫᱤᱭᱟᱹ ᱠᱚᱣᱟᱜ ᱢᱟᱭᱟᱢ ᱛᱮ ᱦᱚᱲ ᱦᱚᱯᱚᱱ ᱫᱚᱠᱚ ᱰᱟᱹᱵᱽᱨᱟᱹᱜ - ᱟ᱾ ᱛᱷᱚᱲᱟ ᱫᱤᱱ ᱛᱟᱭᱚᱢ ᱠᱷᱟᱱᱜᱮ ᱯᱟᱸᱪᱠᱟᱹᱴᱷᱤᱭᱟᱹ ᱨᱮ ᱦᱩᱞ ᱫᱚ ᱮᱦᱚᱵ ᱞᱮᱱᱟ᱾ ᱵᱷᱟᱭᱨᱚᱵ ᱦᱚᱸ ᱚᱸᱰᱮ ᱫᱚᱭ ᱛᱟᱦᱮᱸ ᱠᱟᱱᱟ ᱠᱮᱱᱟᱨᱟᱢ ᱟᱨ ᱫᱟᱨᱚᱜᱟ ᱫᱚ ᱵᱷᱟᱭᱨᱚᱵᱣᱟᱜ ᱢᱮᱫ ᱥᱟᱢᱟᱝ ᱨᱮᱠᱤᱱ ᱜᱚᱡ ᱚᱪᱚᱭᱮᱱᱟ᱾ ᱚᱱᱟ ᱧᱮᱞ ᱛᱮ ᱵᱷᱟᱭᱨᱚᱵ ᱫᱚ ᱦᱮᱲᱟᱱ ᱨᱟᱹᱥᱠᱟᱹᱭᱮ ᱟᱴᱠᱟᱨ ᱞᱮᱫᱟ , ᱮᱱᱛᱮ ᱠᱚᱪᱞᱚᱱ ᱟᱨ ᱥᱤᱜ - ᱵᱚᱲᱠᱚ ᱞᱟᱹᱜᱤᱫ ᱫᱚ ᱱᱚᱝᱠᱟᱱ ᱥᱟᱹᱡᱟᱹᱭ ᱜᱮᱭᱮ ᱠᱷᱚᱡ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱯᱮᱭᱟᱞᱟᱯᱩᱨ ᱨᱮᱭᱟᱜ ᱞᱟᱹᱲᱦᱟᱹᱭ ᱨᱮ ᱫᱚ ᱥᱤᱫᱚ ᱫᱚᱭ ᱡᱚᱠᱷᱚᱢᱮᱱ ᱛᱟᱭᱚᱢ ᱦᱚᱲ ᱫᱚ ᱩᱱᱤᱠᱚ ᱯᱷᱟᱨᱚᱠ ᱞᱮᱫᱮᱭᱟ᱾ ᱵᱷᱟᱭᱨᱚᱵ ᱫᱚ ᱟᱡ ᱫᱟᱫᱟ ᱥᱚᱸᱜᱮ ᱜᱮᱭᱮ ᱛᱟᱦᱮᱸ ᱤᱫᱤ ᱮᱱᱟ᱾ ᱥᱤᱫᱚ ᱫᱚ ᱫᱟᱢᱳᱫᱚᱨ ᱜᱟᱰᱟ ᱦᱟᱱᱟ ᱥᱟ ᱫᱟᱹᱲ ᱞᱟᱹᱜᱤᱫ ᱮ ᱜᱚᱴᱟ ᱠᱮᱫᱟ᱾ ᱟᱫᱚ ᱢᱤᱫ ᱴᱮᱱ ᱵᱤᱨ ᱨᱮᱠᱚ ᱰᱮᱨᱟ ᱟᱠᱟᱱ ᱛᱟᱦᱮᱸ ᱠᱟᱱ ᱡᱚᱠᱷᱮᱡ ᱢᱤᱫ ᱴᱮᱱ ᱦᱚᱲ ᱦᱚᱯᱚᱱ ᱦᱚᱛᱮ ᱛᱮᱜᱮ ᱠᱚ ᱥᱟᱵ ᱚᱪᱚ ᱮᱱᱟ᱾ ᱵᱷᱟᱭᱨᱚᱵ ᱦᱚᱸ ᱠᱚ ᱥᱟᱵ ᱠᱮᱫᱮᱭᱟ᱾ ᱩᱱᱨᱮ ᱵᱷᱟᱭᱨᱚᱵ ᱫᱚᱭ ᱜᱚᱴᱟ ᱠᱮᱫᱚ ,ᱡᱚᱛᱚ ᱦᱚᱲ ᱞᱮ ᱥᱟᱵ ᱚᱪᱚ ᱞᱮᱱᱠᱷᱟᱱ ᱫᱤᱥᱚᱢ ᱦᱚᱲ ᱟᱹᱭᱩᱨ ᱠᱚ ᱥᱮ ᱤᱝᱨᱮᱹᱡᱽ ᱟᱨ ᱢᱟᱦᱟᱡᱚᱱ ᱠᱚ ᱵᱤᱨᱩᱫᱽ ᱨᱮ ᱞᱟᱹᱲᱦᱟᱹᱭ ᱪᱟᱞᱟᱣ ᱤᱫᱤ ᱞᱟᱹᱜᱤᱫ ᱦᱚᱲ ᱫᱚ ᱵᱟᱠᱚ ᱛᱟᱦᱮᱸᱱᱟ᱾ ᱚᱱᱟᱛᱮ ᱡᱟᱦᱟᱸ ᱩᱯᱟᱹᱭ ᱛᱮᱜᱮ - ᱦᱟᱡᱚᱛᱚᱜ ᱠᱷᱚᱱ ᱫᱚ ᱵᱟᱧᱪᱟᱣᱚᱜ ᱦᱳᱭᱳᱜ – ᱟ᱾ ᱩᱱᱨᱮ ᱵᱷᱟᱭᱨᱚᱵ ᱫᱚ ᱯᱷᱳᱨᱯᱷᱩᱱᱫᱤ ᱠᱟᱛᱮᱭᱮ ᱢᱮᱱ ᱠᱮᱫᱟ “ ᱤᱧ ᱫᱚ ᱴᱷᱟᱠᱩᱨ ᱫᱚᱹᱧ ᱵᱟᱝ ᱠᱟᱱᱟ , ᱞᱟᱹᱲᱦᱟᱹᱭ ᱦᱚᱸ ᱵᱟᱹᱧ ᱞᱟᱹᱲᱦᱟᱹᱭ ᱟᱠᱟᱱᱟ , ᱞᱩᱴ, ᱦᱚᱸ ᱵᱟᱹᱧ ᱞᱩᱴ ᱟᱠᱟᱫᱟ᱾ ᱤᱧ ᱫᱟᱫᱟ ᱛᱟᱠᱚ ᱜᱮᱠᱚ ᱞᱩᱴ ᱵᱟᱲᱟ ᱞᱮᱫᱟ , ᱚᱱᱟᱜᱮ ᱤᱧ ᱦᱚᱸᱠᱚ ᱦᱟᱹᱴᱤᱧ ᱟᱹᱫᱤᱧ ᱛᱟᱦᱮᱸ ᱠᱟᱱᱛᱮ , ᱤᱧ ᱴᱷᱮᱱ ᱫᱚ ᱡᱤᱱᱤᱥ ᱠᱚ ᱧᱟᱢ ᱟᱠᱟᱱᱟ᱾” ᱥᱟᱦᱮᱵᱽ ᱫᱚ ᱵᱷᱟᱭᱨᱚᱵᱟᱜ ᱠᱟᱛᱷᱟᱭ ᱯᱟᱹᱛᱭᱟᱹᱣ ᱟᱫᱟ , ᱮᱱᱛᱮ ᱥᱟᱹᱨᱤ ᱜᱮ ᱱᱩᱱᱟᱹᱜ ᱦᱩᱰᱤᱧ ᱜᱤᱫᱽᱨᱟᱹ ᱫᱚ ᱪᱮᱠᱟᱛᱮ ᱠᱷᱩᱱ ᱥᱮ ᱞᱩᱴ ᱞᱮᱠᱟᱱ ᱠᱟᱢᱤ ᱫᱚᱭ ᱠᱟᱹᱢᱤ ᱫᱟᱲᱮ ᱟᱜ - ᱟ᱾ ᱚᱱᱟᱛᱮ ᱵᱟᱨᱰ ( ᱵᱚᱬᱫ ) ᱥᱟᱦᱮᱵᱽ ᱫᱚ ᱥᱚᱨᱠᱟᱨ ᱴᱷᱮᱱ ᱙ ᱹ ᱑᱒ ᱹ ᱑᱘᱕᱕ ᱛᱟᱹᱨᱤᱠ ᱦᱤᱞᱚᱜ ᱵᱷᱚᱭᱨᱚᱵ ᱵᱟᱵᱚᱫᱽ ᱪᱤᱴᱷᱤᱭᱮ ᱚᱞ ᱠᱮᱫᱟ :- ᱴoo yoᱸmg ᱚᱧᱫ ᱽᱧsᱽgᱸᱽfᱽ cᱚᱧᱛ ᱛo hᱚᱹe beeᱧ eᱧgᱚgeᱫ ᱽᱧ ᱛhe ᱽᱸsᱸᱬecᱛᱽoᱧ᱾ ( ᱦᱩᱞ ᱨᱮ ᱱᱩᱭ ᱦᱩᱰᱤᱧ ᱜᱤᱫᱽᱨᱟᱹ ᱥᱮᱞᱮᱫ ᱛᱟᱦᱮᱸᱱ ᱫᱚ ᱚᱦᱚᱜᱮ ᱦᱳᱭ ᱞᱮᱱᱟ)᱾ ᱢᱮᱠᱷᱟᱱ ᱠᱚᱢᱤᱥᱚᱱᱟᱨ ᱫᱚ ᱮᱱᱛᱮᱨᱮᱦᱚᱸ ᱵᱟᱭ ᱯᱟᱹᱛᱭᱟᱹᱣ ᱞᱮᱱᱟ᱾ ᱵᱤᱪᱚᱠᱚᱢ ᱫᱤᱥᱚᱢ ᱵᱤᱨᱩᱫᱟᱹᱦᱤ ᱠᱷᱩᱱ ᱟᱨ ᱞᱩᱴ ᱮᱢᱟᱱ ᱛᱮᱭᱟᱜ ᱫᱳᱥ ᱞᱟᱫᱮᱹ ᱠᱟᱛᱮ ᱵᱷᱟᱭᱨᱚᱵ ᱫᱚᱭ ᱵᱤᱪᱟᱹᱨ ᱚᱪᱚᱠᱮᱫᱮᱭᱟ᱾ ᱵᱤᱜ ᱪᱟᱹᱨᱤᱡ ᱮᱞᱤᱣᱚᱛ ( ᱮlᱽoᱛ ) ᱥᱟᱦᱮᱵᱽ ᱫᱚ ᱑᱘ ᱹ ᱑ ᱹ᱑᱘᱕᱕ ᱥᱟᱞᱨᱮ ᱟᱡᱟᱜ ᱨᱟᱹᱭ ᱨᱮᱭᱮ ᱢᱮᱱ ᱠᱮᱫᱟ , ᱵᱷᱟᱭᱨᱟ ᱫᱚᱭ ᱟᱸᱜᱚᱡᱽ ᱟᱠᱟᱫᱟ ᱵᱟᱝᱢᱟ ᱯᱟᱸᱪᱠᱟᱹᱴᱷᱤᱭᱟ ᱨᱮᱭᱟᱜ ᱜᱚᱯᱚᱡ ᱡᱚᱠᱷᱮᱡ ᱮ ᱛᱟᱦᱮᱸ ᱠᱟᱱᱟ ᱟᱨ ᱛᱟᱠ ᱛᱟᱠ ᱨᱮ ᱵᱷᱚᱜᱽᱱᱟᱰᱤ ᱛᱮ ᱟᱡ ᱫᱟᱫᱟ ᱛᱟᱠᱚ ᱴᱷᱮᱱ ᱧᱟᱯᱟᱢᱚᱜ ᱮ ᱥᱮᱱᱚᱜ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱯᱷᱟᱹᱨ ᱛᱮ ᱫᱚ ᱨᱟᱡᱽ ᱵᱤᱨᱩᱫᱽ ᱞᱟᱹᱲᱦᱟᱹᱭ ᱟᱨ ᱥᱟᱫᱷᱟᱨᱚᱱ ᱦᱚᱲᱟᱜ ᱡᱤᱭᱟᱱ ᱡᱟᱛᱨᱟᱭ ᱟᱠᱚ ᱮᱫ ᱛᱟᱠᱚ ᱛᱟᱦᱮᱸ ᱠᱟᱱ ᱫᱚ ᱥᱟᱹᱵᱩᱫᱽ - ᱪᱩᱠᱟᱹᱣ ᱟᱠᱟᱱᱟ᱾ ᱚᱱᱟᱛᱮ ᱤᱧ ᱫᱚ ᱥᱤᱠᱲᱤᱛᱮ ᱛᱚᱞ ᱦᱟᱞᱚᱛ ᱨᱮᱜᱮ ᱡᱟᱞᱟᱯᱩᱨᱤ ᱦᱟᱱᱟ ᱥᱟ ᱨᱮ ᱡᱟᱭ ᱡᱩᱜᱽ ᱦᱟᱡᱚᱛ ᱨᱮ ᱛᱟᱦᱮᱸᱱ ᱦᱳᱭᱳᱜ ᱛᱟᱭ ᱨᱮᱭᱟᱜ ᱥᱟᱹᱡᱟᱹᱭ ᱤᱧ ᱮᱢᱟᱭ ᱠᱟᱱᱟ᱾ ᱢᱮᱛᱟᱜ ᱢᱮ ᱟᱱᱫᱟᱢᱟᱱ ᱴᱟᱹᱯᱩ ᱨᱮᱭᱟᱜ ᱦᱟᱡᱚᱛ ᱛᱮᱠᱚ ᱤᱫᱤ ᱠᱮᱫᱮᱭᱟ᱾ ᱢᱤᱫ ᱴᱮᱱ ᱦᱟᱨᱟ ᱦᱟᱨᱟ ᱜᱚᱫᱚᱜ ᱠᱚᱲᱟ ᱫᱚ ᱠᱩᱥᱤ ᱨᱟᱹᱥᱠᱟᱹ ᱟᱨ ᱫᱷᱚᱱ ᱫᱟᱹᱣᱞᱟᱹᱛ ᱛᱮ ᱥᱟᱨᱮᱲᱚᱜ ᱠᱟᱱ ᱢᱤᱫ ᱴᱮᱱ ᱥᱟᱱᱛᱟᱲ ᱥᱚᱢᱟᱡᱽ ᱵᱮᱱᱟᱣ ᱨᱮᱭᱟᱜ ᱮ ᱠᱩᱮᱩᱢᱩᱴᱩ ᱞᱮᱫ ᱛᱟᱦᱮᱸ ᱠᱟᱱᱟ᱾ ᱦᱩᱞ ᱪᱟᱵᱟ ᱠᱟᱛᱮ ᱫᱷᱮᱹᱨ ᱵᱚᱪᱷᱚᱨ ᱛᱟᱭᱚᱢ ᱦᱚᱸ ᱯᱟᱥᱮᱡ ᱵᱷᱟᱭᱨᱚᱵ ᱫᱚ ᱡᱟᱞᱟᱯᱩᱨᱤ ᱦᱟᱱᱟᱥᱟ ᱨᱮᱭᱟᱜ ᱦᱟᱡᱚᱛ ᱚᱲᱟᱜ ᱨᱮ ᱥᱤᱠᱲᱤ ᱛᱮ ᱛᱚᱞ ᱟᱠᱟᱱ ᱛᱞᱩᱡ ᱦᱚᱸ ᱯᱟᱥᱮᱡ ᱤᱱᱟᱹ ᱠᱩᱠᱢᱩ ᱜᱮ ᱛᱟᱦᱮᱸ ᱠᱟᱱ ᱛᱟᱭᱟ᱾ ᱢᱮᱱᱠᱷᱟᱱ ᱩᱱᱤᱭᱟᱜ ᱠᱩᱠᱢᱩ ᱫᱚ ᱠᱩᱠᱢᱩ ᱨᱮᱸᱜᱮ ᱛᱟᱦᱮᱸ ᱭᱮᱱᱟ᱾ ᱵᱷᱟᱭᱨᱚᱵ ᱫᱚ ᱦᱟᱡᱚᱛ ᱨᱮᱜᱮᱭᱮ ᱵᱮᱸᱰᱟᱣᱮᱱᱟ᱾